ദോഹ: ആഗോള തലത്തില് നടക്കുന്ന സ്തനാര്ബുദ ബോധവല്കരണ പരിപാടിക്ക് പിന്തുണയുമായി ലുലു ഹൈപ്പര്മാര്ക്കറ്റ് ഗ്രൂപ്പ്. ഖത്തര് ക്യാന്സര് സൊസൈറ്റിയുമായി (ക്യു.സി.എസ്) സഹകരിച്ചാണ് ലുലു ഒരുമാസം നീണ്ടുനില്ക്കുന്ന കാമ്പയിന് നടത്തുന്നത്.
ബോധവല്കരണ പരിപാടികളിലൂടെ സ്തനാര്ബുദത്തെക്കുറിച്ച് ജനങ്ങള്ക്ക് അറിവ് നല്കുകയും ഇതുവഴി മികച്ച ജീവിതം ഉറപ്പുവരുത്തുകയുമാണ് കാമ്പയിന് ലക്ഷ്യമിടുന്നത്. ലോകത്ത് സ്ത്രീകളില് ഏറ്റവും കൂടുതല് കണ്ടുവരുന്ന രണ്ടാമത്തെ അര്ബുദമാണ് സ്തനാര്ബുദം.
ലുലു ഹൈപ്പര്മാര്ക്കറ്റുകളിലത്തെുന്ന ഉപഭോക്താക്കള്ക്ക് ആരോഗ്യകരമായ ജീവിതത്തെക്കുറിച്ചും രോഗത്തെക്കുറിച്ചുമുള്ള വിവരങ്ങളും രോഗം മുന്കൂട്ടികണ്ടത്തെുന്നതിനും ചികിത്സിക്കുന്നതിനുമുള്ള ബോധവല്കരണം ഉള്പ്പെട്ടതാണ് കാമ്പയിന്. ഇതോടനുബന്ധിച്ച് ലുലു ഹൈപ്പര് മാര്ക്കറ്റുകളില് ബോധവല്കരണ പോസ്റ്ററുകളും വിവരങ്ങള് നല്കുന്ന എല്.ഇ.ഡി സ്ക്രീനുകളും സജ്ജീകരിച്ചിട്ടുണ്ട്.
എല്ലാ വനിതാ ജീവനക്കാര്ക്കും ബോധവല്കരണ യൂനിഫോമും ടാഗുകളും ധരിക്കാനും ലുലു ഗ്രൂപ്പ് നിര്ദേശം നല്കിയിട്ടുണ്ട്.
സാമൂഹിക പ്രതിബദ്ധതയുടെ ഭാഗമായാണ് സ്തനാര്ബുദ ബോധവല്കരണ പരിപാടിയില് അംഗമായതെന്നും ലോകത്ത് സ്തനാര്ബുദം കുറച്ച് കൊണ്ട് വരാന് ക്യു.സി.എസുമായുള്ള തങ്ങളുടെ ശ്രമത്തിന് കഴിയുമെന്ന് പ്രതീക്ഷിക്കുന്നതായും ലുലു ഗ്രൂപ്പ് മാനേജ്മെന്റ് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.