ദോഹ: കോഴിക്കോട് വിമാനത്താവളം റണ്വേ അറ്റകുറ്റപണിക്കായി അടക്കുന്നതിനാല് കോഴിക്കോട്, തിരുവനന്തപുരം റൂട്ടുകളിലെ ജയറ്റ് എയര്വേസ് സമയം പുനക്രമീകരിച്ചു. ഖത്തര് സമയം പുലര്ച്ചെ 3.30ന് ദോഹയില് നിന്ന് തിരുവനന്തപുരത്തേക്ക് പുറപ്പെടുന്ന വിമാനം രാവിലെ ഇന്ത്യന് സമയം 10.35 ന് തിരുവന്തപുരം വിമാനത്താവളത്തിലത്തെും. ഇന്ത്യന് സമയം ഉച്ചക്ക് രാവിലെ 11.35ന് തിരുവനന്തപുരത്ത് നിന്ന് തിരിക്കുന്ന വിമാനം ഖത്തര് സമയം ഉച്ചക്ക് 1.45ന് ദോഹ ഹമദ് വിമാനത്താവളത്തിലത്തെും. ദോഹയില് നിന്ന് കോഴിക്കോട്ടേക്കുളള വിമാനം ഉച്ച തിരിഞ്ഞ് 3.10 നാണ് ഹമദ് വിമാനത്താവളത്തില് നിന്ന് പുറപ്പെടുക. രാത്രി 10 മണിക്ക് കരിപ്പൂരിലത്തെും. ഇന്ത്യന് സമയം രാത്രി 12.40 ന് കരിപ്പൂരില് നിന്ന് തിരിക്കുന്ന വിമാനം ഖത്തര് സമയം പുലര്ച്ചെ 2.30ന് ദോഹ ഹമദ് അന്തരാഷ്ട്ര വിമാനത്താവളത്തിലത്തെുമെന്നും ജെറ്റ് എയര്വേസ് ജനറല് മാനേജര് അനില് ശ്രീനിവാസന് അറിയിച്ചു. അടുത്ത മാസം ഒന്നാം തിയ്യതി മുതലാണ് പുതിയ സമയക്രമം ആരംഭിക്കുക.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.