ശൈ​ത്യ​കാ​ല​മെ​ത്തി, ത​ണു​ത്തു​വി​റ​ക്കാ​തെ മ​സ്ക​ത്ത്

മ​സ്ക​ത്ത്: ഒ​മാ​നി​ൽ ശൈ​ത്യ​കാ​ല​മെ​ത്തി. കാ​ലാ​വ​സ്ഥ ശാ​സ്ത്ര​പ്ര​കാ​രം വ്യാ​ഴാ​ഴ്ച രാ​ത്രി മു​ത​ൽ ആ​രം​ഭി​ച്ച ശൈ​ത്യ കാ​ലം മാ​ർ​ച്ച് 21നാ​ണ് അ​വ​സാ​നി​ക്കു​ക. 88 ദി​വ​സ​വും 23 മ​ണി​ക്കൂ​റും 36 മി​നി​റ്റു​മാ​ണ് ഈ ​വ​ർ​ഷ​ത്തെ ശൈ​ത്യ​കാ​ല​മു​ണ്ടാ​വു​ക. ഇ​തോ​ടെ ജ​ബ​ൽ അ​ഖ്ദ​ർ, ജ​ബ​ൽ ശം​സ് തു​ട​ങ്ങി​യ പ്ര​ദേ​ശ​ങ്ങ​ൾ ത​ണു​ത്തു​വി​റ​ക്കാ​ൻ തു​ട​ങ്ങി​യെ​ങ്കി​ലും മ​സ്ക​ത്ത് അ​ട​ക്ക​മു​ള്ള ഗ​വ​ർ​ണ​റേ​റ്റു​ക​ളി​ൽ ത​ണു​പ്പ് ശ​ക്ത​മാ​യി​ട്ടി​ല്ല. മ​സ്ക​ത്ത് ഗ​വ​ർ​ണ​റേ​റ്റി​ൽ അ​ടു​ത്ത ആ​ഴ്ച​യി​ലും സ​മാ​ന കാ​ലാ​വ​സ്ഥ തു​ട​രും. 20 ഡി​ഗ്രി സെ​ൽ​ഷ്യ​സി​നു മു​ക​ളി​ലാ​ണ് ഇ​പ്പോ​ഴും മ​സ്ക​ത്ത് ഗ​വ​ർ​ണ​റേ​റ്റി​ലെ അ​ന്ത​രീ​ക്ഷ ഊ​ഷ്മാ​വ്. അ​ടു​ത്ത ആ​ഴ്ച​യി​ൽ കൂ​ടി​യ താ​പ​നി​ല 27 ഡി​ഗ്രി സെ​ൽ​ഷ്യ​സും കു​റ​ഞ്ഞ താ​പ​നി​ല 21 ഡി​ഗ്രി സെ​ൽ​ഷ്യ​സും ആ​യി​രി​ക്കു​മെ​ന്നാ​ണ് ക​ണ​ക്കാ​ക്കു​ന്ന​ത്.

ശൈ​ത്യ​കാ​ലം ആ​രം​ഭി​ച്ച​തോ​ടെ രാ​വി​ന്‍റെ നീ​ള​വും വ​ർ​ധി​ച്ചു. ഈ ​വ​ർ​ഷ​ത്തെ ഏ​റ്റ​വും ദൈ​ർ​ഘ്യ​മേ​റി​യ രാ​ത്രി​യും ദൈ​ർ​ഘ്യം കു​റ​ഞ്ഞ പ​ക​ലും വ്യാ​ഴാ​ഴ്ച​യാ​യി​രു​ന്നു. 10 മ​ണി​ക്കൂ​റും 41 മി​നി​റ്റും ദൈ​ർ​ഘ്യ​മു​ള്ള​താ​ണ്.ഒ​മാ​ന്‍റെ ചി​ല ഭാ​ഗ​ങ്ങ​ളി​ൽ കു​റ​ഞ്ഞ താ​പ​നി​ല അ​നു​ഭ​വ​പ്പെ​ട്ടു. ജ​ബ​ൽ ശം​സി​ലാ​ണ് ഏ​റ്റ​വും കു​റ​ഞ്ഞ താ​പ​നി​ല അ​നു​ഭ​വ​പ്പെ​ട്ട​ത്. ദാ​ഖി​ലി​യ്യ ഗ​വ​ർ​ണ​റേ​റ്റി​ലെ ജ​ബ​ൽ ശം​സി​ൽ ക​ഴി​ഞ്ഞ ദി​വ​സം മൈ​ന​സ് 0.4 താ​പ​നി​ല​യാ​ണ് അ​നു​ഭ​വ​പ്പെ​ട്ട​ത്.

തെ​ക്ക​ൻ ശ​ർ​ഖി​യ്യ​യി​ലെ സൈ​ഖി​ൽ 6.6 ഡി​ഗ്രി സെ​ൽ​ഷ്യ​സാ​യി​രു​ന്നു താ​പ​നി​ല. ദോ​ഫാ​ർ ഗ​വ​ർ​ണ​റേ​റ്റി​ലെ അ​ൽ മ​സ്യൂ​ന​യി​ൽ 10.6 ഡി​ഗ്രി സെ​ൽ​ഷ്യ​സ് താ​പ​നി​ല രേ​ഖ​പ്പെ​ടു​ത്തി. ദോ​ഫാ​ർ ഗ​വ​ർ​ണ​റേ​റ്റി​ലെ മു​ഖ്ഷി​നി​ൽ 10.8 ഡി​ഗ്രി സെ​ൽ​ഷ്യ​സും അ​ൽ വു​സ്ത ഗ​വ​ർ​ണ​റേ​റ്റി​ലെ ഹൈ​മ​യി​ൽ 13.1 ഡി​ഗ്രി സെ​ൽ​ഷ്യ​സു​മാ​ണ് അ​ന്ത​രീ​ക്ഷ താ​പ​നി​ല. ഒ​മാ​ന്‍റെ ചി​ല ഭാ​ഗ​ങ്ങ​ളി​ൽ അ​ന്ത​രീ​ക്ഷം മേ​ഘാ​വൃ​ത​മാ​കാ​നും അ​ൽ ഹ​ജ​ർ പ​ർ​വ​ത​നി​ര​ക​ളി​ൽ ഒ​റ്റ​പ്പെ​ട്ട മ​ഴ​ക്ക് സാ​ധ്യ​ത​യു​ള്ള​താ​യും കാ​ലാ​വ​സ്ഥ നി​രീ​ക്ഷ​ണ​കേ​ന്ദ്രം മു​ന്ന​റി​യി​പ്പ് ന​ൽ​കി​യി​ട്ടു​ണ്ട്. ഒ​മാ​നി​ൽ ഏ​റെ സു​ന്ദ​ര​മാ​യ കാ​ലാ​വ​സ്ഥ​യാ​ണ് ഇ​പ്പോ​ൾ അ​നു​ഭ​വ​പ്പെ​ടു​ന്ന​ത്. മ​സ്ക​ത്ത് അ​ട​ക്ക​മു​ള്ള പ​ല ഭാ​ഗ​ങ്ങ​ളി​ലും അ​മി​ത​മാ​യ ത​ണു​പ്പോ അ​മി​ത​മാ​യ ചൂ​ടോ അ​നു​ഭ​വ​പ്പെ​ടു​ന്നി​ല്ല. ഇ​ത് വി​നോ​ദ​സ​ഞ്ചാ​ര മേ​ഖ​ല​ക്ക് ഏ​റെ അ​നു​ഗ്ര​ഹ​മാ​വും.സു​ഖ​ക​ര​മാ​യ കാ​ലാ​വ​സ്ഥ അ​നു​ഭ​വ​പ്പെ​ടാ​ൻ തു​ട​ങ്ങി​യ​തോ​ടെ വി​നോ​ദ​സ​ഞ്ചാ​രി​ക​ൾ എ​ത്തു​ന്ന​തും വ​ർ​ധി​ച്ചി​ട്ടു​ണ്ട്. വാ​രാ​ന്ത്യ​ങ്ങ​ളി​ലും മ​റ്റും പ്രാ​ദേ​ശി​ക വി​നോ​ദ​സ​ഞ്ചാ​രി​ക​ളു​ടെ എ​ണ്ണ​വും വ​ർ​ധി​ച്ചി​ട്ടു​ണ്ട്. ഇ​തോ​ടെ എ​ല്ലാ വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ലും തി​ര​ക്ക് വ​ർ​ധി​ച്ചി​ട്ടു​ണ്ട്.