ഒമാനിൽ മു​നി​സി​പ്പാ​ലി​റ്റി കൗൺസിൽ തെരഞ്ഞെടുപ്പ്​ വിജയികളെ പ്രഖ്യാപിച്ചു

മ​സ്ക​ത്ത്​: രാ​ജ്യ​ത്തെ മൂ​ന്നാ​മ​ത്​ മു​നി​സി​പ്പാ​ലി​റ്റി കൗ​ൺ​സി​ൽ തെ​ര​ഞ്ഞെ​ടു​പ്പി​ലെ വി​ജ​യി​ക​ളെ പ്ര​ഖ്യാ​പി​ച്ചു. 126 പ്ര​തി​നി​ധി​ക​ളെ​യാ​ണ്​ തെ​ര​ഞ്ഞെ​ടു​ത്ത​ത്.

ഞാ​യ​റാ​ഴ്ച രാ​ത്രി വൈ​കീ​ട്ടോ​ടെ ആ​ഭ്യ​ന്ത​ര മ​ന്ത്രാ​ല​യം അ​ണ്ട​ർ സെ​ക്ര​ട്ട​റി​യും മൂ​ന്നാം ടേം ​മു​നി​സി​പ്പ​ൽ കൗ​ൺ​സി​ലു​ക​ളു​ടെ തെ​ര​ഞ്ഞെ​ടു​പ്പു​ക​ൾ​ക്കാ​യു​ള്ള പ്ര​ധാ​ന ക​മ്മി​റ്റി ചെ​യ​ർ​മാ​നു​മാ​യ എ​ൻ​ജി​നീ​യ​ർ ഖാ​ലി​ദ് ഹി​ലാ​ൽ അ​ൽ ബു​സൈ​ദി​യാ​ണ്​ വി​ജ​യി​ക​ളെ പ്ര​ഖ്യാ​പി​ച്ച​ത്. ഞാ​യ​റാ​ഴ്ച രാ​വി​ലെ ഏ​ഴു മു​ത​ൽ വൈ​കീ​ട്ട് ഏ​ഴു വ​രെ ന​ട​ന്ന വോ​ട്ടെ​ടു​പ്പി​ൽ 2,88,469 വോ​ട്ട​ർ​മാ​ർ (40 ശ​ത​മാ​നം) ത​ങ്ങ​ളു​ടെ വോ​ട്ട​വ​കാ​ശം വി​നി​യോ​ഗി​ച്ച​താ​യി ആ​ഭ്യ​ന്ത​ര മ​ന്ത്രാ​ല​യം അ​റി​യി​ച്ചു.

സ്മാ​ര്‍ട്ട് ഫോ​ണ്‍ വ​ഴി വോ​ട്ട് രേ​ഖ​പ്പെ​ടു​ത്താ​ന്‍ ക​ഴി​യു​മെ​ന്ന​ത്​ ഇ​ത്ത​വ​ണ​ത്തെ തെ​ര​ഞ്ഞെ​ടു​പ്പി​ന്‍റെ പ്ര​ത്യേ​ക​ത​യാ​യി​രു​ന്നു.

ആ​ഭ്യ​ന്ത​ര മ​ന്ത്രാ​ല​യം പു​റ​ത്തി​റ​ക്കി​യ ‘ഇ​ന്‍ത​ഖി​ബ്’ എ​ന്ന ആ​പ് വ​ഴി​യാ​യി​രു​ന്നു​ വോ​ട്ട് ചെ​യ്തി​രു​ന്ന​ത്. ഇ​ത്​ വോ​ട്ടി​ങ്​ പ്ര​കി​യ​യെ സു​ഗ​മ​മാ​ക്കാ​ൻ സ​ഹാ​യി​ച്ച​താ​യി ഖാ​ലി​ദ് ഹി​ലാ​ൽ അ​ൽ ബു​സൈ​ദി പ​റ​ഞ്ഞു.

727 സ്ഥാ​നാ​ര്‍ഥി​ക​ളാ​ണ് മ​ത്സ​ര​രം​ഗ​ത്തു​ണ്ടാ​യി​രു​ന്ന​ത്​. ഇ​തി​ൽ 28 പേ​ർ വ​നി​ത​ക​ളാ​ണ്. 3,46,965 വ​നി​ത​ക​ള്‍ ഉ​ള്‍പ്പെ​ടെ 7,31,767 പേ​ര്‍ക്കാ​യി​രു​ന്നു വോ​ട്ട​വ​കാ​ശം.മ​സ്‌​ക​ത്തി​ൽ 85 സ്ഥാ​നാ​ർ​ഥി​ക​ളി​ൽ​നി​ന്ന് 12 അം​ഗ​ങ്ങ​ളും ദോ​ഫാ​ർ ഗ​വ​ർ​ണ​റേ​റ്റി​ൽ​നി​ന്ന് 145 സ്ഥാ​നാ​ർ​ഥി​ക​ളി​ൽ​നി​ന്ന് 20 പേ​രും തി​ര​ഞ്ഞെ​ടു​ക്ക​പ്പെ​ട്ടു.

മു​സ​ന്ദ​ത്ത്​ 22 പേ​രി​ൽ​നി​ന്ന് എ​ട്ട് അം​ഗ​ങ്ങ​ളെ തി​ര​ഞ്ഞെ​ടു​ത്ത​പ്പോ​ൾ, ബു​റൈ​മി ഗ​വ​ർ​ണ​റേ​റ്റി​ൽ 20 പേ​രി​ൽ​നി​ന്ന് ആ​റു​പേ​ർ വി​ജ​യി​ച്ചു. തെ​ക്ക​ൻ ബാ​ത്തി​ന-12, ദാ​ഖി​ലി​യ 18, വ​ട​ക്ക​ൻ ബാ​ത്തി​ന-12, തെ​ക്ക​ൻ ശ​ർ​ഖി​യ-​പ​ത്ത്, വ​ട​ക്ക​ൻ ശ​ർ​ഖി​യ-14, ദാ​ഹി​റ-​ആ​റ്, അ​ൽ​വു​സ്ത -എ​ട്ട്​ എ​ന്നി​ങ്ങ​നെ​യാ​ണ്​ മ​റ്റി​ട​ങ്ങ​ളി​ൽ​നി​ന്ന്​ വി​ജ​യി​ച്ച പ്ര​തി​നി​ധി​ക​ളു​ടെ ക​ണ​ക്കു​ക​ൾ.