പിടികൂടിയ മയക്കുമരുന്ന്
മസ്കത്ത്: മയക്കുമരുന്നുമായി ബന്ധപ്പെട്ട് രണ്ടുപേരെ റോയൽ ഒമാൻ പൊലീസ് അറസ്റ്റ് ചെയ്തു. ബർക്ക വിലായത്തിനിന്നാണ് ഒരാളെ തെക്കൻ ബാത്തിന പൊലീസ് കമാൻഡിന്റെ നേതൃത്വത്തിലുള്ള ആന്റി-നാർക്കോട്ടിക് ആൻഡ് സൈക്കോട്രോപിക് സബ്സ്റ്റൻസസ് ഡിപ്പാർട്മെന്റ് പിടികൂടിയത്. കഞ്ചാവുമായി പാക് പൗരനാണ് അറസ്റ്റിലായതെന്ന് റോയൽ ഒമാൻ പൊലീസ് അറിയിച്ചു. സൂക്ഷ്മമായ നിരീക്ഷണത്തിലൂടെ നടത്തിയ പരിശോധനയിൽ, വിൽപനക്കും വ്യക്തിഗത ഉപയോഗത്തിനുമായി സൂക്ഷിച്ച കഞ്ചാവ് ഇയാളിൽനിന്ന് കണ്ടെടുത്തു.
മറ്റൊരു സംഭവത്തിൽ മയക്കുമരുന്ന് കൈവശം വെച്ചതിന് ഒമാനി പൗരനെ ദോഫാർ പോലീസ് കമാൻഡിന് കീഴിലുള്ള ആന്റി-നാർക്കോട്ടിക്സ് ആൻഡ് സൈക്കോട്രോപിക് സബ്സ്റ്റൻസസ് ഡിപ്പാർട്മെന്റ് ആണ് പിടികൂടുന്നത്. നിയമ നടപടികൾ നടന്നുവരികയണെന്ന് അധികൃതർ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.