സലാല: ഇന്ത്യൻ സോഷ്യൽ ക്ലബ് മലയാള വിഭാഗത്തിെൻറ അടുത്ത രണ്ടുവർഷത്തേക്കുള്ള കൺവീനറായി ആർ.എം. ഉണ്ണിത്താനെ തെരഞ്ഞെടുത്തു. പ്രവാസികളുടെ സാമൂഹിക- സാംസ്കാരിക മേഖലകളിൽ ദീർഘനാളായി പ്രവർത്തിക്കുന്ന വ്യക്തിയാണ് ഇദ്ദേഹം. മലയാള വിഭാഗത്തിെൻറ മുൻ കൺവീനറായും പ്രവർത്തിച്ചിട്ടുണ്ട്. സി. മനോജ് കുമാറാണ് കോ കൺവീനർ. ബഷീർ ചാലിശ്ശേരിയെ കൾച്ചറൽ സെക്രട്ടറിയായും ഗോപൻ അയിരൂരിനെ ട്രഷററായും തെരഞ്ഞെടുത്തു.
മറ്റു ഭാരവാഹികൾ പി. അച്യുതൻ (സ്പോർട്സ് സെക്രട്ടറി), ദീപക് മോഹൻദാസ് ( ജോ. സ്പോർട്സ് സെക്രട്ടറി), ഹേമ ഗംഗാധരൻ (ബാലകലോത്സവം കൺ.), വഹീദുസ്സമാൻ ( ജോ.കൺ. ബാലകലോത്സവം). കെ.ആർ. ഹരിദാസ് കമ്മിറ്റിയംഗവുമാണ്. തെരഞ്ഞെടുക്കപ്പെട്ട എക്സിക്യൂട്ടീവ് കമ്മിറ്റിയംഗങ്ങൾ ക്ലബ് ഹാളിൽ യോഗം ചേർന്നാണ് ഭാരവാഹികളെ തെരഞ്ഞെടുത്തത്. ഐ.എസ്.സി നിരീക്ഷകൻ ഹരികുമാറും സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.