മസ്കത്ത്: ബജറ്റ് വിമാനക്കമ്പനിയായ സലാം എയറിെൻറ സി.ഇ.ഒ സ്ഥാനത്തുനിന്ന് ഫ്രാേങ്കായിസ് ബ്യൂട്ട്ലിയറെ നീക്കി. ചെയർമാൻ ഖാലിദ് അൽ യഹ്മദി ട്വിറ്ററിലാണ് ഇക്കാര്യം അറിയിച്ചത്. ഏതാനും ആഴ്ച മുമ്പാണ് ഡയറക്ടർ ബോർഡ് സി.ഇ.ഒയെ മാറ്റാൻ ഡയറക്ടർ ബോർഡ് തീരുമാനമെടുത്തതെന്നും പുതിയ ആളെ ഏതാനും ആഴ്ചകൾക്കുള്ളിൽ നിയമിക്കുമെന്നും ഖാലിദ് അൽ യഹ്മദി പറഞ്ഞു.
നിലവിൽ ഡയറക്ടർ ബോർഡിലെ അഡ്വൈസറും ഏവിയേഷൻ വിദഗ്ധനുമാണ് സി.ഇ.ഒ ചുമതല വഹിക്കുന്നത്. പുതിയ സി.ഇ.ഒ ജി.സി.സി പൗരനായിരിക്കുമെന്നും യഹ്മദി അറിയിച്ചു. മസ്കത്ത് അന്താരാഷ്ട്ര വിമാനത്താവളം കേന്ദ്രീകരിച്ചുള്ള സലാം എയർ കഴിഞ്ഞവർഷം തുടക്കം കുറിച്ചത് മുതലേയുള്ള മുഖമായിരുന്നു പ്രഫഷനൽ പൈലറ്റ് കൂടിയായ ഫ്രാേങ്കായിസ് ബ്യൂട്ട്ലിയർ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.