സലാല: കോഴിക്കോട് കൊയിലാണ്ടി പെരുവട്ടൂർ സ്വദേശി ചേലോട്ട് കുഞ്ഞഹമ്മദ് (60) സലാലയിൽ നിര്യാതനായി. ശനിയാഴ്ച നാട്ടിലേക്ക് പോകുന്നതിനായി സലാല വിമാനത്താവളത്തിലെത്തി ബോർഡിങ് എടുത്തതിനുശേഷം ദേഹാസ്വാസ്ഥ്യം അനുഭവപ്പെടുകയായിരുന്നു. തുടർന്ന് സുൽത്താൻ ഖാബൂസ് ആശുപത്രിയിൽ പ്രവേശിപ്പിച്ചെങ്കിലും തിങ്കളാഴ്ച രാവിലെ മരിച്ചു. കഴിഞ്ഞ 30 വർഷത്തിലധികമായി ഒമാനിലുണ്ട്.
സാദ് അൽ മഷൂറിന് സമീപമുള്ള പച്ചക്കറിക്കടയിലായിരുന്നു ജോലി. ഒമാൻ എയറിൽ നാട്ടിലേക്ക് കൊണ്ടുപോയ മൃതദേഹം ചൊവ്വാഴ്ച സ്വദേശത്ത് ഖബറടക്കും. സലാലയിലുള്ള ഭാര്യ ജമീല മൃതദേഹത്തെ അനുഗമിക്കുന്നുണ്ട്. മകൻ ഫിറോസ് സലാലയിൽ ജോലിചെയ്തുവരുകയാണ്. മറ്റു മക്കളായ സഫ്വാൻ, ഷാമിൽ എന്നിവർ നാട്ടിലാണ്. വ്യാപാരിയായ അബ്ദുല്ല സനായിയ്യ അടുത്ത ബന്ധുവാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.