മസ്കത്ത്: വിമാനത്താവളത്തിന് സമീപം ട്രെയിലർ മറിഞ്ഞതിനെ തുടർന്ന് ഗതാഗത കുരുക്ക് രൂപപ്പെട്ടു. റോഡ് നിർമാണത്തിന് ഉപയോഗിക്കുന്ന യന്ത്രം കയറ്റിപ്പോവുകയായിരുന്ന ട്രെയിലറാണ് മറിഞ്ഞത്. ചൊവ്വാഴ്ച രാവിലെ വിമാനത്താവള എക്സിറ്റിന് സമീപമുള്ള സർവിസ് റോഡിലായിരുന്നു അപകടം നടന്നത്. ഇതേ തുടർന്ന് വാഹനങ്ങളുടെ നീണ്ട നിര രൂപപ്പെട്ടു. രണ്ട് ഹെവി ക്രെയിനുകൾ എത്തിയാണ് ട്രെയിലർ റോഡിൽനിന്ന് മാറ്റിയത്. ട്രെയിലർ മറിഞ്ഞതായും വാഹനമോടിക്കുന്നവർ മുൻകരുതൽ എടുക്കണമെന്നും കാട്ടി റോയൽ ഒമാൻ പൊലീസ് ട്വിറ്ററിൽ മുന്നറിയിപ്പ് നൽകിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.