മസ്കത്ത്: വാദി കബീർ ഇന്ത്യൻ സ്കൂളിലെ കോമേഴ്സ് വിഭാഗത്തിെൻറ നേതൃത്വത്തിൽ ‘ഇൻസ്പിരി ടൂറിസം’ എന്ന പേരിൽ ഇൻറർ സ്കൂൾ ബിസിനസ് പ്രമോഷൻ മത്സരം സംഘടിപ്പിച്ചു. ബാങ്ക് മസ്കത്ത് ചീഫ് ഫിനാൻഷ്യൽ ഒാഫിസർ ഗണേഷ് തങ്കവേൽ മുഖ്യാതിഥിയായിരുന്നു. ഒമാനിലെ ടൂറിസം പ്രോത്സാഹിപ്പിക്കാൻ ബിസിനസ് പ്ലാൻ തയാറാക്കുക, നിശ്ചിത രാജ്യത്തിെൻറ സംസ്കാരം വ്യക്തമാക്കുന്ന നൃത്തം അവതരിപ്പിക്കുക എന്നീ രണ്ട് വിഭാഗങ്ങളടങ്ങിയതായിരുന്നു മത്സരം. ഗൂബ്ര, വാദി കബീർ, മസ്കത്ത്, സീബ്, മുലദ, മബേല സ്കൂളുകളിൽനിന്നായി ആറ് ടീമുകളാണ് മത്സരത്തിൽ പെങ്കടുത്തത്. വാദി കബീറിലെ മഹാലക്ഷ്മി ഖത്ത്രി, ഷോൺ സാബു, സോനു എന്നിവരടങ്ങുന്ന ടീം ബിസിനസ് പ്രമോഷൻ വിഭാഗത്തിലും അൽഗൂബ്ര സ്കൂൾ ടീം നൃത്തവിഭാഗത്തിലും ഒന്നാം സ്ഥാനം നേടി.മികച്ച സ്കൂളിനുള്ള ഒാവറോൾ ട്രോഫിയും വാദി കബീറിനാണ്. അൽ ഗൂബ്ര രണ്ടാമതും മസ്കത്ത് ഇന്ത്യൻ സ്കൂൾ മൂന്നാമതുമെത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.