ദോഫാറിൽ വീടുകളിലെത്തിയുള്ള വാക്സിനേഷന് തുടക്കമായപ്പോൾ
മസ്കത്ത്: ഒമാനിൽ കോവിഡ് വാക്സിൻ സ്വീകരിച്ചവരുടെ എണ്ണം ഒരു ലക്ഷം പിന്നിട്ടു. കഴിഞ്ഞ 24 മണിക്കൂറിനുള്ളിൽ 3402 പേർക്കാണ് വാക്സിൻ നൽകിയതെന്ന് ഒമാൻ ആരോഗ്യ വകുപ്പ് തിങ്കളാഴ്ച അറിയിച്ചു.ഇതോടെ വാക്സിൻ സ്വീകരിച്ചവരുടെ മൊത്തം എണ്ണം 1.01 ലക്ഷമായി. വാക്സിൻ സ്വീകരിച്ചവരിൽ 27,000 പേരും മസ്കത്ത് ഗവർണറേറ്റിലാണുള്ളത്.
ദോഫാർ ഗവർണറേറ്റിലും വീടുകളിലെത്തി വാക്സിനേഷൻ തുടങ്ങിയതായി ആരോഗ്യ വകുപ്പ് അറിയിച്ചു. കമ്യൂണിറ്റി ഹെൽത്ത് കെയർ സർവിസസിൽ രജിസ്റ്റർ ചെയ്ത ഭിന്നശേഷിക്കാർക്കാണ് വീടുകളിലെത്തി കുത്തിവെപ്പ് നൽകുന്നത്. മസ്കത്തിലാണ് വീടുകളിലെത്തിയുള്ള വാക്സിനേഷൻ തുടങ്ങിയത്. കഴിഞ്ഞ ദിവസം സൂർ മേഖലയിലും വീടുകളിലെത്തി വാക്സിൻ നൽകാൻ തുടങ്ങിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.