സുഹാര്: സുഹാറിലെ മലയാളി കൂട്ടായ്മയായ ഫ്രണ്ട്സ് ഓഫ് സുഹാറിന്റെ ‘ഓണാരവം 2025’ ഉം രണ്ടാം വാര്ഷികവും വിവിധ കലാപരിപാടികളോടെ ഹംബാറിലെ ഫാമില് ആഘോഷിച്ചു. സുഹാറില് കഴിഞ്ഞ 41 വര്ഷമായി ആതുരസേവനരംഗത്ത് പ്രവര്ത്തിക്കുന്ന ജനകീയ ഡോക്ടര് എം.എ. മാത്യുവിന് ഫ്രണ്ട്സ് ഓഫ് സുഹാറിന്റെ മെമന്റോയും ആദരവും വേദിയില് നല്കി.
സുഹാര് മലയാളിസംഘം പ്രസിഡന്റ് മനോജ് കുമാര്, സുഹാര് സ്റ്റാര് യുനൈറ്റഡ് മാനേജിങ് ഡയറക്ടര് സുരേഷ് ഉണ്ണി, ഡോ. എം.എ. മാത്യു, പ്രസിഡന്റ് റോയ് പി. തോമസ് എന്നിവര് സംസാരിച്ചു. വൈസ് പ്രസിഡന്റ് അനില് കെ. കുര്യന് സ്വാഗതവും സെക്രട്ടറി സുനില് ഡി. ജോര്ജ് നന്ദിയും അറിയിച്ചു. ബോസ്കോ, സന്തോഷ്, ദേവു ടീമിന്റെ ഗാനമേളയും തിരുവാതിരകളി, പുലികളി, വടംവലി, ഉറിയടി മറ്റ് കലാകായിക പരിപാടികളും അരങ്ങേറി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.