തീ​പി​ടി​ത്ത​ങ്ങ​ൾ വ​ർ​ധി​ക്കു​ന്നു; വേ​ണം ജാ​ഗ്ര​ത

മ​സ്ക​ത്ത്: വേ​ന​ൽ​കാ​ല​ത്ത് തീ​പി​ടി​ത്ത​ങ്ങ​ൾ സാ​ധാ​ര​മാ​യി​രി​ക്കെ ആ​വ​ശ്യ​മാ​യ ജാ​ഗ്ര​ത പു​ല​ർ​ത്ത​ണ​മെ​ന്ന് സി​വി​ൽ ഡി​ഫ​ൻ​സ്, ആം​ബു​ല​ൻ​സ് വി​ഭാ​ഗം. ഈ ​വ​ർ​ഷം ജ​നു​വ​രി ഒ​ന്നു മു​ത​ൽ ഏ​പ്രി​ൽ അ​വ​സാ​നം വ​രെ, സി​വി​ൽ ഡി​ഫ​ൻ​സ് ആ​ൻ​ഡ് ആം​ബു​ല​ൻ​സ് അ​തോ​റി​റ്റി​ക്ക് ആ​കെ 1,204 തീ​പി​ടി​ത്ത അ​പ​ക​ട റി​പ്പോ​ർ​ട്ടു​ക​ൾ ല​ഭി​ച്ചു. ക​ഴി​ഞ്ഞ ആ​ഴ്ച​യും വാ​ണി​ജ്യ കെ​ട്ടി​ട​ങ്ങ​ൾ, റെ​സി​ഡ​ൻ​ഷ്യ​ൽ ഏ​രി​യ​ക​ൾ, കൃ​ഷി​യി​ട​ങ്ങ​ൾ എ​ന്നി​വി​ട​ങ്ങ​ളി​ൽ തീ​പി​ടി​ത്ത അ​പ​ക​ട​ങ്ങ​ളു​ണ്ടാ​യി.

ഇ​തോ​ടെ ജാ​ഗ്ര​ത പാ​ലി​ക്ക​ണ​മെ​ന്ന് മു​ന്ന​റി​യി​പ്പ് ന​ൽ​കി​യി​രി​ക്കു​ക​യാ​ണ് സി​വി​ൽ ഡി​ഫ​ൻ​സ് ആ​ൻ​ഡ് ആം​ബു​ല​ൻ​സ് അ​തോ​റി​റ്റി. ക​ന​ത്ത ചൂ​ടി​ൽ ഉ​ണ്ടാ​വ​ൻ സാ​ധ്യ​ത​യു​ള്ള തീ​പി​ടി​ത്തം ഒ​ഴി​വാ​ക്കാ​ൻ കൂ​ട്ടാ​യ ശ്ര​മം ആ​വ​ശ്യ​മാ​ണെ​ന്നും ഇ​തി​നെ​തി​രെ സു​ര​ക്ഷി​ത​ത്വം പാ​ലി​ക്ക​ൽ ഓ​രോ വ്യ​ക്തി​ക​ളു​ടെ​യും ഉ​ത്ത​ര​വാ​ദി​ത്ത​മാ​ണെ​ന്ന് അ​ധി​കൃ​ത​ർ വ്യ​ക്ത​മാ​ക്കി.

വ്യ​വ​സാ​യ മേ​ഖ​ല​ക​ളി​ൽ തീ​പി​ടി​ക്കു​മ്പോ​ൾ ഏ​റ്റ​വും പ്രാ​യോ​ഗി​ക രീ​തി​യി​ലു​ള്ള തീ ​കെ​ടു​ത്ത​ൽ സം​വി​ധാ​ന​ങ്ങ​ൾ ഉ​പ​യോ​ഗ​പ്പെ​ടു​ത്ത​ണ​മെ​ന്നും സ്ഥാ​പ​ന​ങ്ങ​ളി​ലെ എ​ല്ലാ ജീ​വ​ന​ക്കാ​ർ​ക്കും സു​ര​ക്ഷ കാ​ര്യ​ങ്ങ​ൾ പ​രി​ശീ​ലി​പ്പി​ക്ക​ണ​മെ​ന്നും അ​ധി​കൃ​ത​ർ ആ​വ​ശ്യ​പ്പെ​ട്ടു. വ്യ​വ​സാ​യി​ക, താ​മ​സ ഇ​ട​ങ്ങ​ളി​ൽ തീ​പ​ട​രു​ന്ന​ത് ത​ട​യാ​നു​ള്ള മു​ൻ ക​രു​ത​ലു​ക​ൾ എ​ല്ലാ​വ​രും എ​ടു​ത്തി​രി​ക്ക​ണം. പ​രി​സ​ര​ങ്ങ​ളി​ൽ പു​ക, ഗ്യാ​സ് എ​ന്നി​വ​യു​ടെ സാ​ന്നി​ധ്യം അ​റി​യാ​നു​ള്ള യ​ന്ത്ര​ങ്ങ​ൾ സ്ഥാ​പി​ക്ക​ണം. താ​മ​സ ഇ​ട​ത്തു​നി​ന്ന് പു​റ​ത്ത് പോ​വു​മ്പോ​ഴും ദൂ​ര​ദി​ക്കി​ലേ​ക്ക് പോ​വു​ക​യും ചെ​യ്യു​ന്ന​തി​ന് വീ​ട് സൂ​ക്ഷ്മ പ​രി​ശോ​ധ​ന ന​ട​ത്ത​ണം. തീ​പി​ടി​ക്കു​ന്ന വ​സ്തു​ക്ക​ളും അ​ല്ലാ​ത്ത​വ​യും ഒ​ന്നി​ച്ച് വെ​ക്കാ​ൻ പാ​ടി​ല്ല. ഭ​ക്ഷ​ണം പാ​കം ചെ​യ്ത ശേ​ഷം ഗ്യാ​സ് പു​റ​ത്ത് പോ​വു​ന്നി​ല്ലെ​ന്ന് ഉ​റ​പ്പു വ​രു​ത്തു​ക​യും ഗ്യാ​സ് ചോ​ർ​ച്ച ഉ​ണ്ടാ​വാ​തെ സൂ​ക്ഷി​ക്കു​ക​യും വേ​ണം.

ക​ത്തു​ന്ന മെ​ഴു​കു​തി​രി​ക​ൾ അ​ശ്ര​ദ്ധ​യോ​ടെ ഉ​പേ​ക്ഷി​ക്ക​രു​ത്. ചൂ​ടു​കാ​ല​ത്ത് പാ​റ​യു​ള്ള പ​ർ​വ​ത​ങ്ങ​ളി​ലേ​ക്കും പോ​വു​ന്ന​തും ഒ​ഴി​വാ​ക്ക​ണം. ഇ​ത്ത​രം സ്ഥ​ല​ങ്ങ​ളി​ൽ നി​ർ​ഭാ​ഗ്യ​ക​ര​മാ​യ സം​ഭ​വ​ങ്ങ​ൾ റി​പ്പോ​ർ​ട്ട് ചെ​യ്ത​താ​യും അ​ധി​കൃ​ത​ർ പ​റ​ഞ്ഞു. നി​ല​വി​ൽ ഒ​മാ​നി​ലു​ണ്ടാ​യ പ​ല തീ​പി​ടി​ത്ത​ങ്ങ​ളും കാ​ലാ​വ​സ്ഥ വ്യ​തി​യാ​ന​ത്തി​ന്റെ ഫ​ല​മാ​ണ്. എ​ന്നാ​ൽ വ്യ​വ​സാ​യ മേ​ഖ​ല​ക​ളി​ലു​ണ്ടാ​വു​ന്ന പ​ല തീ​പി​ടി​ത്ത​ങ്ങ​ളും അ​ശ്ര​ദ്ധ​യും അ​വ​ഗ​ണ​യും കാ​ര​ണ​മാ​ണ്.

ഇ​തി​ന് പ്ര​ധാ​ന കാ​ര​ണം ആ​രോ​ഗ്യ, സു​ര​ക്ഷ, പ​രി​സ്ഥി​തി മാ​ന​ദ​ണ്ഡ​ങ്ങ​ൾ പാ​ലി​ക്കാ​ത്ത​താ​ണ്. യ​ന്ത്ര​ങ്ങ​ൾ ക​ന​ത്ത ചൂ​ടി​ൽ പ്ര​വ​ർ​ത്തി​പ്പി​ക്കു​ന്ന​തും തീ​പി​ടി​ത്ത​ത്തി​ന് കാ​ര​ണ​മാ​കുന്നു. വാ​ഹ​ന​മോ​ടി​ക്കു​ന്ന​വ​രും ക​ടു​ത്ത വേ​ന​ലി​ൽ കൂ​ടു​ത​ൽ ജാ​ഗ്ര​ത പാ​ലി​ക്ക​ണം. ചൂ​ട് കാ​ല​ത്ത് വാ​ഹ​ന​ത്തി​ന്റെ പാ​ർ​ട്സു​ക​ൾ ശ​രി​യാ​യ രീ​തി​യി​ൽ പ​രി​പാ​ലി​ച്ചി​ല്ലെ​ങ്കി​ൽ തീ​പി​ടി​ക്കാ​ൻ കാ​ര​ണ​മാ​ക്കും.

അ​മി​ത​മാ​യി ചൂ​ടാ​വു​ന്ന കേ​ബിളു​ക​ളും എ.​സി​യും കാ​ര​ണം വാ​ഹ​ന​ത്തി​ന് തീ​പി​ടി​ക്കും. ഇ​തി​ന് ആ​വ​ശ്യ​മാ​യ മു​ൻ ക​രു​ത​ലു​ക​ളെടു​ക്ക​ണം. വാ​ഹ​നം എ​പ്പോ​ഴൂം ത​ണ​ലുള്ള ഇ​ട​ങ്ങ​ളി​ൽ പാ​ർ​ക്ക് ചെ​യ്യ​ണം.

പാ​ർ​ക്ക് ചെ​യ്യു​മ്പോ​ൾ വാ​ഹ​ന​ത്തി​ൽ ഉ​ണ്ടാ​വു​ന്ന ചൂ​ടു​ള്ള വാ​യു പു​റ​ത്തേ​ക്ക് പോ​വാ​ൻ പാ​ർ​ശ്വ ഗ്ലാ​സു​ക​ൾ ചെ​റി​യ രീ​തി​യി​ൽ താ​ഴ്ത്തി ഇ​ട​ണം. ക​ത്താ​ൻ സാ​ധ്യ​ത​യു​ള്ള വ​സ്തു​ക്ക​ൾ വാ​ഹ​ന​ങ്ങ​ൾ​ക്കു​ള്ളി​ൽ സൂ​ക്ഷി​ക്ക​രു​ത്. വാ​ഹ​ന​ത്തി​ന്റെ പാ​ർ​ട്സു​ക​ൾ പ​തി​വാ​യി പ​രി​ശോ​ധ​ന ന​ട​ത്ത​ണം. അ​ഴി​ഞ്ഞു​കി​ട​ക്കു​ന്ന വാ​ഹ​ന​ത്തി​ന്റെ വ​യ​റു​ക​ൾ ഘ​ടി​പ്പി​ച്ച് വെ​ക്ക​ണം. വാ​ഹ​നം ഓ​ടി​ക്കു​ന്ന ആ​ളു​ടെ സീ​റ്റി​ന് സ​മീ​പംത​ന്നെ തീ​കെ​ടു​ത്തു​ന്ന ഉ​പ​ക​ര​ണ​ങ്ങ​ൾ സൂ​ക്ഷി​ക്ക​ണം. വാ​ഹ​ന​ത്തി​ൽ പു​ക​വ​ലി ഒ​ഴി​വാ​ക്ക​ണം. വാ​ഹ​നം പ്ലാ​സ്റ്റി​ക് കൊ​ണ്ടും ക​ത്തു​ന്ന വ​സ്തു​ക്ക​ൾ കൊ​ണ്ടും നി​ർ​മി​ച്ച​തി​നാ​ൽ വാ​ഹ​ന​ത്തി​ൽ വീ​ഴു​ന്ന ചെ​റി​യൊ​രു തീ​പ്പൊ​രി വ​ൻ അ​പ​ക​ട​ത്തി​ലേ​ക്ക് ന​യി​ക്കും.

വാ​ഹ​ന​ത്തി​ന് അ​ക​ത്ത് നി​ന്നോ പു​റ​ത്ത് നി​ന്നോ റ​ബ​റോ, പ്ലാ​സ്റ്റി​ക്കോ ക​ത്തു​ന്ന മ​ണം വ​ന്നാ​ൽ ഉ​ട​ൻ വാ​ഹ​ന​ത്തി​ന്റെ എ​ൻ​ജി​ൻ ഓ​ഫാ​ക്ക​ണ​മെ​ന്നും അ​ധി​കൃ​ത​ർ നി​ർ​ദേ​ശി​ച്ചു.