ക​ള്ള​പ്പ​ണം ത​ട​യ​ൽ നി​യ​മം ശ​ക്ത​മാ​ക്കി ഒമാൻ; പു​തി​യ നി​യ​ന്ത്ര​ണ​ങ്ങ​ൾ സം​ബ​ന്ധി​ച്ച ഉ​ത്ത​ര​വ്​ പു​റ​ത്തി​റ​ക്കി

മ​സ്ക​ത്ത്​: രാ​ജ്യ​ത്തെ ക​ള്ള​പ്പ​ണം വെ​ളു​പ്പി​ക്ക​ൽ വി​രു​ദ്ധ പ്ര​വ​ർ​ത്ത​നം ശ​ക്തി​പ്പെ​ടു​ത്തു​ന്ന​തി​നും തീ​വ്ര​വാ​ദ​ത്തി​ന് ധ​ന​സ​ഹാ​യം ന​ൽ​കു​ന്ന സം​ഘ​ങ്ങ​ളെ പ്ര​തി​രോ​ധി​ക്കു​ന്ന​തി​നു​മാ​യി വാ​ണി​ജ്യ, വ്യ​വ​സാ​യ, നി​ക്ഷേ​പ പ്രോ​ത്സാ​ഹ​ന മ​ന്ത്രാ​ല​യം നി​യ​മം ക​ർ​ശ​ന​മാ​ക്കി. മ​ന്ത്രി​ത​ല തീ​രു​മാ​നം​വ​ഴി പു​റ​പ്പെ​ടു​വി​ച്ച പു​തി​യ മാ​ർ​ഗ​നി​ർ​ദേ​ശ​ങ്ങ​ൾ​പ്ര​കാ​രം ക​മ്പ​നി​യു​ടെ ഓ​ഹ​രി​ക​ളി​ൽ കു​റ​ഞ്ഞ​ത് 25 ശ​ത​മാ​ന​മെ​ങ്കി​ലും കൈ​വ​ശ​മു​ള്ള പ​ങ്കാ​ളി​ക​ളു​ടെ​യോ ഓ​ഹ​രി ഉ​ട​മ​ക​ളു​ടെ​യോ ​ഡേ​റ്റ രേ​ഖ​പ്പെ​ടു​ത്തു​ന്ന ഗു​ണ​ഭോ​ക്തൃ ര​ജി​സ്റ്റ​ർ ഉ​ണ്ടാ​ക്കാ​ൻ നി​യ​മം നി​ർ​ദേ​ശി​ക്കു​ന്നു. വാ​ണി​ജ്യ ക​മ്പ​നി​ക​ളു​ടെ ഈ ​ര​ജി​സ്റ്റ​ർ പ്ര​കാ​ര​മു​ള്ള വ്യ​ക്​​തി​ക​ളാ​ണ്​ യ​ഥാ​ർ​ഥ ഗു​ണ​ഭോ​ക്താ​വാ​യി നി​ർ​വ​ചി​ക്ക​പ്പെ​ടു​ക.

ബി​സി​ന​സ്​ മേ​ഖ​ല​യി​ൽ സു​താ​ര്യ​ത​യും എ​ളു​പ്പ​വും രൂ​പ​പ്പെ​ടു​ത്തു​ന്ന​തി​നാ​യാ​ണ്​ പു​തി​യ നി​യ​മ പ​രി​ഷ്ക​ര​ണം കൊ​ണ്ടു​വ​ന്നി​ട്ടു​ള്ള​ത്.

ക​ള്ള​പ്പ​ണം ത​ട​യു​ന്ന​ത്​ ദേ​ശീ​യ സ​മ്പ​ദ്‌​വ്യ​വ​സ്ഥ​യി​ൽ ആ​ത്മ​വി​ശ്വാ​സം വ​ർ​ധി​പ്പി​ക്കാ​നും ബി​സി​ന​സ്, നി​ക്ഷേ​പ അ​ന്ത​രീ​ക്ഷം മെ​ച്ച​പ്പെ​ടു​ത്താ​നും സ​ഹാ​യി​ക്കു​മെ​ന്നാ​ണ്​ പ്ര​തീ​ക്ഷി​ക്ക​പ്പെ​ടു​ന്ന​ത്. ക​ള്ള​പ്പ​ണം വെ​ളു​പ്പി​ക്ക​ലി​നും തീ​വ്ര​വാ​ദ ഫ​ണ്ടി​ങ്ങി​നു​മെ​തി​രാ​യ പോ​രാ​ട്ട​ത്തി​ൽ അ​ന്താ​രാ​ഷ്ട്ര നി​ല​വാ​രം പു​ല​ർ​ത്തു​ന്ന രീ​തി​യി​ലാ​ണ്​ നി​യ​മം നി​ർ​മി​ച്ചി​ട്ടു​ള്ള​ത്.

ലോ​ക​ത്തെ വി​വി​ധ മു​ൻ​നി​ര രാ​ജ്യ​ങ്ങ​ളെ മാ​തൃ​ക​യാ​ക്കി​യാ​ണ്​ ശ​ക്​​ത​മാ​യ ന​ട​പ​ടി​ക​ൾ സ്വീ​ക​രി​ച്ചി​ട്ടു​ള്ള​ത്. ക​ള്ള​പ്പ​ണ ലോ​ബി​ക​ളെ നി​യ​ന്ത്രി​ക്കു​ന്ന​തി​ലൂ​ടെ സു​താ​ര്യ​മാ​യ ബി​സി​ന​സ്​-​സാ​മ്പ​ത്തി​ക അ​ന്ത​രീ​ക്ഷ​മാ​ണ്​ അ​ധി​കൃ​ത​ർ ല​ക്ഷ്യം​വെ​ക്കു​ന്ന​ത്.

ക​ള്ള​പ്പ​ണം വെ​ളു​പ്പി​ക്കു​ന്ന​തും തീ​വ്ര​വാ​ദ​പ്ര​വ​ർ​ത്ത​ന​ങ്ങ​ൾ​ക്ക് സാ​മ്പ​ത്തി​ക സ​ഹാ​യം ന​ൽ​കു​ന്ന​തും ഉ​ൾ​പ്പെ​ടെ​യു​ള്ള പ്ര​വ​ർ​ത്ത​ന​ങ്ങ​ൾ ത​ട​യു​ന്ന​തി​നാ​യി 2020ൽ ​പ്ര​ത്യേ​ക വ​കു​പ്പ് രൂ​പ​വ​ത്ക​രി​ച്ച്​ പ്ര​വ​ർ​ത്ത​നം ആ​രം​ഭി​ച്ചി​രു​ന്നു.

ഒ​മാ​നി​ലേ​ക്ക് പു​തി​യ നി​ക്ഷേ​പ​ക​രെ ആ​ക​ർ​ഷി​ക്കു​ന്ന​തി​ന്റെ ഭാ​ഗ​മാ​യി, രാ​ജ്യ​ത്ത് കൃ​ത്യ​മാ​യ നി​യ​മ​ന​ട​പ​ടി​ക​ളും കാ​ര്യ​നി​ര്‍വ​ഹ​ണ​വും ന​ട​പ്പാ​ക്കു​ന്ന​തി​നാ​ണ് വ​കു​പ്പ്​ രൂ​പ​പ്പെ​ടു​ത്തി​യ​ത്. നി​യ​മം ശ​ക്​​ത​മാ​ക്കു​ന്ന​തി​നൊ​പ്പം ന​ട​പ​ടി​ക​ളും ക​ടു​പ്പി​ക്കാ​നാ​ണ്​ അ​ധി​കൃ​ത​ർ ല​ക്ഷ്യ​മി​ടു​ന്ന​ത്.