സാരഥീയം 2025 ന്റെ ഫ്ലെയർ ഉപദേശക സമിതി അംഗങ്ങൾ പ്രകാശനം ചെയ്യുന്നു
കുവൈത്ത് സിറ്റി: സാരഥി കുവൈത്ത് 26ാം വാർഷികം ‘സാരഥീയം- 2025’ പ്രവർത്തനങ്ങൾക്ക് തുടക്കം. മംഗഫിലെ മെമ്മറീസ് ഹാളിൽ നടന്ന പരിപാടിയിൽ പ്രസിഡന്റ് എം.പി. ജിതേഷ് അധ്യക്ഷത വഹിച്ചു. ജനറൽ കൺവീനർ മഞ്ജു സുരേഷ് ‘സാരഥീയം- 2025’ പരിപാടിയെക്കുറിച്ചു വിശദീകരിച്ചു. വിവിധ കമ്മിറ്റി പ്രവർത്തനങ്ങളെക്കുറിച്ച് കൺവീനർമാരായ മുരുകദാസ്, സുരേഷ് ബാബു, അരുൺ സത്യൻ, സൈഗാൾ സുശീലൻ എന്നിവർ വിശദീകരിച്ചു. സാരഥീയം 2025 ന്റെ ഫ്ലെയർ ഉപദേശക സമിതി അംഗങ്ങളായ കെ.ആർ. അജി, സജീവ് നാരായണൻ, സി.എസ്. ബാബു എന്നിവർ ചേർന്ന് പ്രകാശനം ചെയ്തു. ഉപദേശക സമിതിയംഗം സി.എസ്. ബാബു, സാരഥി ട്രസ്റ്റ് ചെയർമാൻ ജിതിൻ ദാസ്, വനിത വേദി ചെയർപേഴ്സൻ ബിജി അജിത്ത്, ട്രസ്റ്റ് സെക്രട്ടറി ബിന്ദു സജീവ് എന്നിവർ ആശംസകൾ നേർന്നു. ജനറൽ സെക്രട്ടറി വിനോദ് ചീപ്പാറയിൽ സ്വാഗതവും ട്രഷറർ അനിൽ ശിവരാമൻ നന്ദിയും പറഞ്ഞു. സാമൂഹിക, സാംസ്കാരിക, ജീവകാരുണ്യ പ്രവർത്തനങ്ങൾക്ക് പ്രാമുഖ്യം നൽകാനും വിദ്യാഭ്യാസ കാര്യങ്ങളെ പ്രോത്സാഹിപ്പിക്കാനും യോഗം തീരുമാനമെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.