കുവൈത്ത് സിറ്റി: മലപ്പുറം വണ്ടൂർ സ്വദേശി കുവൈത്തിൽ വാഹനാപകടത്തിൽ മരിച്ചു. വണ്ടൂർ വാണിയമ്പലം മാട്ടക്കുളം കരുവാടൻ സിറാജുദ്ദീൻ (29) ആണ് മരിച്ചത്. 30ാം നമ്പർ റോഡിൽ കാറിൽ സഞ്ചരിക്കവെ ടയർ പഞ്ചറാകുകയും നിർത്തി പുറത്തിറങ്ങിയപ്പോൾ മറ്റൊരു വാഹനം ഇടിക്കുകയുമായിരുന്നു. അപകടത്തിൽ പരിക്കേറ്റ കുവൈത്ത് പൗരൻ ഗുരുതരാവസ്ഥയിൽ ചികിത്സയിലാണ്. ആറുമാസം മുമ്പാണ് കുവൈത്തിലെത്തിയത്. പിതാവ്: ജമാലുദ്ദീൻ മുസ്‍ലിയാർ. മാതാവ്: ഫാത്തിമ ചുണ്ടകുന്നുമ്മൽ. മൃതദേഹം നാട്ടിൽ കൊണ്ടുപോകാനുള്ള പ്രവർത്തനങ്ങൾക്ക് കുവൈത്ത് കെ.എം.സി.സി പ്രവർത്തകർ നേതൃത്വം നൽകുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.