കുവൈത്ത് സിറ്റി: കുവൈത്ത് മലങ്കര റൈറ്റ് മൂവ്മെന്റ് (കെ.എം.ആർ.എം) അബ്ബാസിയ ഏരിയ കുടുംബസംഗമം സുലൈബിയ ഫാം റിസോർട്ടിൽ നടന്നു.
പാട്ടും, നൃത്തവും, വിനോദ വിജ്ഞാന പരിപാടികളും സംഗമത്തിന് മിഴിവേകി. കെ.എം.ആർ.എം പ്രസിഡന്റ് ഷാജി വർഗീസ് ഉദ്ഘാടനം ചെയ്തു. ഏരിയ പ്രസിഡന്റ് മാത്യു കോശി അധ്യക്ഷതവഹിച്ചു. റവ.ഡോ.തോമസ് കാഞ്ഞിരമുകളിൽ ആശംസ സന്ദേശം നൽകി.
ജനറൽ സെക്രട്ടറി ജോമോൻ ചെറിയാൻ, സംഗമം ജനറൽ കൺവീനർ എബി പാലമൂട്ടിൽ, ജോജിമോൻ തോമസ്, എ.ഓ.ബിജു,ബിനു കെ ജോൺ, ജോജി വെള്ളാപ്പള്ളി എന്നിവർ സംസാരിച്ചു. അബ്ബാസിയ ഏരിയാ സെക്രട്ടറി സിൽവി തോമസ് സ്വാഗതവും ഏരിയ ട്രഷറർ ബിനു എബ്രഹാം നന്ദിയും പറഞ്ഞു. വനിത ദിനത്തോട് അനുബന്ധിച്ച് കെ.എം.ആർ.എം അബ്ബാസിയ ഏരിയ നടത്തിയ കുക്കിംഗ് മത്സര വിജയികളെ സംഗമത്തിൽ പ്രഖ്യാപിച്ചു. ടാലെന്റ് ഫെസ്റ്റ് വിജയികൾക്കുള്ള സമ്മാനങ്ങളും, സംഗമത്തിലെ മത്സര വിജയികൾക്കുള്ള സമ്മാനങ്ങളും വിതരണം ചെയ്തു. മുൻ വർഷങ്ങളിൽ അബ്ബാസിയ ഏരിയയെ നയിച്ച ഭാരവാഹികളെയും വേദിയിൽ ആദരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.