കു​വൈ​ത്ത്: അ​ജ്ഞാ​ത​വി​ധി​യെ അ​ഭി​മു​ഖീ​ക​രി​ച്ച് ഫ​ല​സ്തീ​ൻ അ​ധ്യാ​പ​ക​ർ

കു​വൈ​ത്ത് സി​റ്റി: ഇ​സ്രാ​യേ​ൽ ആ​ക്ര​മ​ണം ക​ന​പ്പി​ച്ച​തോ​ടെ കു​വൈ​ത്തി​ൽ ജോ​ലി ത​ര​പ്പെ​ട്ട ഫ​ല​സ്‍തീ​ൻ അ​ധ്യാ​പ​ക​ർ അ​ഭി​മു​ഖീ​ക​രി​ക്കു​ന്ന​ത് അ​ജ്ഞാ​ത വി​ധി. കു​വൈ​ത്തി​ലേ​ക്ക് 530ഓ​ളം ഫ​ല​സ്തീ​ൻ അ​ധ്യാ​പ​ക​രെ റി​ക്രൂ​ട്ട്ചെ​യ്യാ​ൻ കു​വൈ​ത്ത് വി​ദ്യാ​ഭ്യാ​സ മ​ന്ത്രാ​ല​യം അ​ടു​ത്തി​ടെ ധാ​ര​ണ​യി​ലെ​ത്തി​യി​രു​ന്നു.

ഇ​വ​രെ രാ​ജ്യ​ത്തെ​ത്തി​ക്കാ​നു​ള്ള ശ്ര​മം ന​ട​ക്കു​ന്ന​തി​നി​ടെ​യാ​ണ് ഫ​ല​സ്തീ​നി​ൽ ഇ​സ്രാ​യേ​ൽ ആ​ക്ര​മ​ണം ആ​രം​ഭി​ച്ച​ത്. ഇ​തോ​ടെ ന​ട​പ​ടി​ക​ൾ നി​ല​ച്ചു. ഫ​ല​സ്തീ​നി​യ​ൻ അ​ധ്യാ​പ​ക​ർ​ക്ക് കു​വൈ​ത്തി​ലെ​ത്താ​ൻ ക​ഴി​യാ​ത്ത അ​വ​സ്ഥ​യാ​ണ് നി​ല​വി​ൽ. തു​ട​ർ​ച്ച​യാ​യ ആ​ക്ര​മ​ണ​വും റ​ഫ ക്രോ​സി​ങ്ങു​മാ​യി ബ​ന്ധ​പ്പെ​ട്ട സ​ങ്കീ​ർ​ണ​ത​ക​ളു​മാ​ണ് യാ​ത്ര​ക്ക് ത​ട​സ്സം.

കു​വൈ​ത്തി​ൽ ജോ​ലി ചെ​യ്യാ​ൻ തെ​ര​ഞ്ഞെ​ടു​ത്ത​വ​രി​ൽ 20 പേ​രു​മാ​യി മാ​ത്ര​മാ​ണ് നി​ല​വി​ൽ ആ​ശ​യ​വി​നി​മ​യം ന​ട​ത്താ​ൻ ക​ഴി​യു​ന്ന​തെ​ന്ന് അ​റ​ബ് ടൈം​സ് റി​പ്പോ​ർ​ട്ടു ചെ​യ്തു. ബാ​ക്കി​യു​ള്ള​വ​രു​മാ​യു​ള്ള ആ​ശ​യ​വി​നി​മ​യം ഏ​താ​ണ്ട് വി​ച്ഛേ​ദി​ക്ക​പ്പെ​ട്ടി​ട്ടു​ണ്ട്. ഇ​സ്രാ​യേ​ൽ ബോം​ബാ​ക്ര​മ​ണ​ത്തി​ൽ ര​ണ്ട് അ​ധ്യാ​പ​ക​ർ ഇ​തി​ന​കം കൊ​ല്ല​പ്പെ​ട്ട​താ​യും റി​പ്പോ​ർ​ട്ടി​ൽ പ​റ​യു​ന്നു. ബാ​ക്കി​യു​ള്ള​വ​രു​ടെ അ​വ​സ്ഥ എ​ന്താ​ണെ​ന്ന് ആ​ർ​ക്കും ഉ​റ​പ്പി​ല്ല.

അ​വ​ർ ജീ​വി​ച്ചി​രി​പ്പു​ണ്ടോ, ബോം​ബ് സ്‌​ഫോ​ട​ന​ത്തി​ൽ കൊ​ല്ല​പ്പെ​ട്ടോ, കാ​ണാ​താ​വു​ക​യോ നാ​ടു​വി​ടു​ക​യോ ചെ​യ്‌​തി​ട്ടു​ണ്ടോ എ​ന്നും വ്യ​ക്ത​മ​ല്ല. ഇ​വ​രു​മാ​യി ആ​ശ​യ​വി​നി​മ​യം ന​ട​ത്താ​ൻ ഫ​ല​സ്തീ​ൻ എം​ബ​സി പ​ല​ത​വ​ണ ശ്ര​മി​ച്ചെ​ങ്കി​ലും ന​ട​ന്നി​ല്ലെ​ന്ന് റി​പ്പോ​ർ​ട്ടി​ൽ പ​റ​യു​ന്നു. ആ​ക്ര​മ​ണ​ത്തി​ന്റെ തു​ട​ക്ക​ത്തി​ൽ കു​വൈ​ത്തി​ൽ ജോ​ലി ചെ​യ്യു​ന്ന ഒ​രു ഫ​ല​സ്തീ​ൻ അ​ധ്യാ​പ​ക​ന്റെ കു​ടും​ബം കൊ​ല്ല​പ്പെ​ട്ടി​രു​ന്നു.