കുവൈത്ത് സിറ്റി: ലോകത്തിലെ നീളം കൂടിയ പതാക വാനിലുയർത്തി കുവൈത്ത് ഗിന്നസ് ബുക്കിൽ ഇടംപിടിച്ചു. മുബാറക് അൽ കബീർ വിദ്യാഭ്യാസ മേഖലയിലെ വിദ്യാർഥികളും അധ്യാപകരുമടക്കം 4000 പേരുടെ പങ്കാളിത്തത്തോടെ നിർമിച്ച 2019 മീറ്റർ നീളമുള്ള പതാകയുടെ പ്രകാശനം വിദ്യാഭ്യാസ മന്ത്രി ഡോ. ഹാമിദ് അൽ ആസിമി നിർവഹിച്ചു. വിദ്യാർഥികൾ നീളൻ പതാകയുമായി നിരത്തിലൂടെ നീങ്ങുന്നത് മനോഹര കാഴ്ചയായിരുന്നു. അമീർ ശൈഖ് സബാഹ് അൽ അഹ്മദ് അൽ ജാബിർ അസ്സബാഹ്, കിരീടാവകാശി ശൈഖ് നവാഫ് അൽ അഹ്മദ് അൽ ജാബിർ അസ്സബാഹ്, പ്രധാനമന്ത്രി ശൈഖ് ജാബിർ അൽമുബാറക് അസ്സബാഹ് എന്നിവരുടെ പിന്തുണക്ക് മന്ത്രി ഹാമിദ് അൽ ആസിമി നന്ദി പറഞ്ഞു. ദേശീയദിനാഘോഷത്തിെൻറ മാസത്തിൽ കുവൈത്തിനിത് അഭിമാന മുഹൂർത്തമാണെന്ന് വിദ്യാഭ്യാസ മന്ത്രാലയം അണ്ടർ സെക്രട്ടറി ഡോ. സൗദ് അൽ ഹർബി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.