കുവൈത്ത് സിറ്റി: ചൈനയുമായി കുവൈത്ത് 90 ലക്ഷം ദീനാറിെൻറ വായ്പ കരാറിൽ ഒപ്പുവെച്ചു. ചൈന യിലെ ഗ്യാങ് യാങ് ജനകീയ ആശുപത്രിയുടെ വികസന പദ്ധതികൾ പൂർത്തിയാക്കുന്നതിനാണ് കുവൈത്ത് നാണയനിധിയിൽനിന്ന് വായ്പ അനുവദിച്ചത്. കുവൈത്ത് നൽകുന്ന വായ്പകൊണ്ട് പദ്ധതിയുടെ 32 ശതമാനം പ്രവൃത്തികൾ പൂർത്തിയാക്കാനാകുമെന്നാണ് കണക്കുകൂട്ടൽ. 98,000 ചതുരശ്ര മീറ്റർ ചുറ്റളവിൽ 1400 രോഗികളെ കിടത്തി ചികിത്സിക്കാനുള്ള കെട്ടിട സമുച്ചയമാണ് നിർമിക്കുക. ചൈനയിലെ കുവൈത്ത് അംബാസഡറുടെ സാന്നിധ്യത്തിൽ കുവൈത്ത് നാണയനിധി ജനറൽ ഡയറക്ടർ ഗാനിം അൽ ഗുനൈമാനും ചൈനീസ് സർക്കാറിലെ ഇൻറർനാഷനൽ കോഒാപറേറ്റിവ് ഉപമേധാവി വാങ് ജോംങ ജീൻഗുമാണ് കരാറിൽ ഒപ്പുവെച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.