കുവൈത്ത് സിറ്റി: ക്രസൻറ് ചാരിറ്റി സെൻറർ കുവൈത്ത് ഫെയർവെൽ സ്കീം വിതരണവും പ്രവർത്തക കൺവെൻഷനും ഫർവാനിയ മെട്രോ മെഡിക്കൽ കെയർ ഹാളിൽ നടന്നു. പ്രസിഡൻറ് കോയ വളപ്പിൽ അധ്യക്ഷത വഹിച്ചു. മെട്രോ മെഡിക്കൽ കെയർ വൈസ് ചെയർമാൻ ഹംസ പയ്യന്നൂർ ഉദ്ഘാടനം ചെയ്തു. പ്രവാസജീവിതം മതിയാക്കി നാട്ടിലേക്ക് പോകുന്ന അംഗങ്ങൾക്ക് സാമ്പത്തിക ഉപഹാരം നൽകുന്നതിന് വേണ്ടി ആവിഷ്കരിച്ച ഫെയർവെൽ സ്കീമിെൻറ ആദ്യവിതരണം മലബാർ ഗോൾഡ് കൺട്രി ഹെഡ് അഫ്സൽ ഖാൻ ആസിഫിന് നൽകി നിർവഹിച്ചു.
ഷമീർ, സാബിർ എന്നിവർക്ക് യഥാക്രമം ട്രഷറർ ഗഫൂർ അത്തോളിയും അബ്ദുല്ല അടിയോട്ടിലും നൽകി. കഴിഞ്ഞ ടി.എച്ച്.എസ്.എൽ.സി പരീക്ഷയിൽ മുഴുവൻ വിഷയങ്ങൾക്കും എ പ്ലസ് നേടിയ ക്രസൻറ് സെൻറർ അംഗത്തിെൻറ മകൻ മുഹമ്മദ് ഫദലിനുള്ള അവാർഡ് ഷരീഫ് ഒതുക്കുങ്ങൽ സമ്മാനിച്ചു. ജനറൽ മോട്ടിവേഷൻ ക്ലാസ് എടുത്ത അഫ്സൽ അലിയെ പ്രസിഡൻറ് കോയ വളപ്പിൽ മെമെേൻറാ നൽകി ആദരിച്ചു. ജനറൽ സെക്രട്ടറി ഷാഹുൽ ബേപ്പൂർ സ്വാഗതവും ജോയൻറ് സെക്രട്ടറി മൻസൂർ കുന്നത്തേരി നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.