ഹമീദ് കേളോത്തിന് നൽകിയ യാത്രയയപ്പ് ചടങ്ങിൽ കോഴിക്കോട് ജില്ല അസോസിയേഷൻ അംഗങ്ങൾ
കുവൈത്ത് സിറ്റി: കുവൈത്ത് പ്രവാസം അവസാനിപ്പിച്ച് നാട്ടിലേക്ക് മടങ്ങുന്ന ഹമീദ് കേളോത്തിനും ഭാര്യ ആയിഷക്കും കോഴിക്കോട് ജില്ല അസോസിയേഷൻ യാത്രയയപ്പും ആദരവും നൽകി. അസോസിയേഷൻ മുൻ രക്ഷാധികാരിയും രൂപവത്കരണ സമിതി അംഗവുമാണ് ഹമീദ് കേളോത്ത്.അബ്ബാസിയ എവർഗ്രീൻ ഓഡിറ്റോറിയത്തിൽ സംഘടിപ്പിച്ച യാത്രയയപ്പ് ചടങ്ങിൽ പ്രസിഡന്റ് രാഗേഷ് പറമ്പത്ത് അധ്യക്ഷത വഹിച്ചു. ചടങ്ങിൽ ടി.കെ. നജീബ് ആദരവ് പ്രമേയം അവതരിപ്പിച്ചു.
അൽ മുല്ല എക്സ്ചേഞ്ച് പ്രതിനിധി പരേഷ് പാട്ടിദാർ മുഖ്യാതിഥി ആയിരുന്നു. രക്ഷാധികാരി സിറാജ് എരഞ്ഞിക്കൽ, മഹിളാവേദി പ്രസിഡന്റ് ഹസീന അഷ്റഫ്, സെക്രട്ടറി ടി.എസ്. രേഖ, ഭാരവാഹികളായ പി.വി. നജീബ്, ജാവേദ് ബിൻ ഹമീദ്, കെ. ഷൈജിത്ത്, ശ്രീനീഷ്, ടി.വി. അസ് ലം, സന്തോഷ് കുമാർ, ഏരിയ പ്രസിഡന്റുമാരായ കെ.വി. താഹ, ശരീഖ് നന്ദി, സജിത്ത് കുമാർ, നിസാർ, ജിനീഷ്, നിർവാഹക സമിതി അംഗം മുസ്തഫ മൈത്രി എന്നിവർ ആശംസ നേർന്നു.ഹമീദ് കേളോത്ത് മറുപടി പ്രസംഗം നടത്തി. ജനറൽ സെക്രട്ടറി കെ.വി. ഷാജി സ്വാഗതവും ട്രഷറർ സി. ഹനീഫ് നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.