കെ.എം.സി.സി സോഷ്യൽ സെക്യൂരിറ്റി സ്കീം തുക കൈമാറുന്നു
കുവൈത്ത് സിറ്റി: കുവൈത്ത് കെ.എം.സി.സി അംഗമായിരിക്കെ മരണമടഞ്ഞ അംഗത്തിന്റെ കുടുംബത്തിനുള്ള സാമൂഹിക സുരക്ഷാ പദ്ധതി തുക കൈമാറി. മട്ടന്നൂർ കളറോട് മുസ്ലിംലീഗ് ഓഫിസിൽ നടന്ന ചടങ്ങ് മുസ്ലിം ലീഗ് സംസ്ഥാന വൈസ് പ്രസിഡന്റ് അബ്ദുറഹ്മാൻ കല്ലായി ഉദ്ഘാടനം ചെയ്തു. കുവൈത്ത് ജനറൽ സെക്രട്ടറി മുസ്തഫ കാരി അധ്യക്ഷ വഹിച്ചു.
മുസ്ലിം ലീഗ് കണ്ണൂർ ജില്ല സെക്രട്ടറി അൻസാരി തില്ലങ്കേരി മുഖ്യ പ്രഭാഷണം നടത്തി. മരണപ്പെട്ട അംഗത്തിന്റെ കുടുംബത്തിനുവേണ്ടി മുസ്ലിം ലീഗ് കളറോട് ശാഖാ കമ്മിറ്റി ഭാരവാഹികൾ തുക ഏറ്റുവാങ്ങി.കുവൈത്ത് കെ.എം.സി.സി കണ്ണൂർ ജില്ലാ പ്രസിഡന്റ് നാസർ തളിപ്പറമ്പ് സ്വാഗതവും മട്ടന്നൂർ മണ്ഡലം ജനറൽ സെക്രട്ടറി നൗഷാദ് പഴശ്ശി നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.