കുവൈത്ത് സിറ്റി: കെ.ഐ.ജി.ഗോൾഡൻ ജൂബിലി സമാപന സമ്മേളനത്തിൽ പങ്കെടുക്കുന്നതിന് കുവൈത്തിലെത്തിയ ജമാഅത്തെ ഇസ്ലാമി കേരള അമീർ പി. മുജീബ് റഹ്മാന് കുവൈത്ത് അന്താരാഷ്ട്ര വിമാനത്താവളത്തിൽ സ്വീകരണം നൽകി. സ്വീകരണത്തിൽ കെ.ഐ.ജി.കുവൈത്ത് പ്രസിഡന്റ് പി.ടി. ശരീഫ്, വൈസ് പ്രസിഡന്റ് സക്കീർ ഹുസൈൻ തുവ്വൂർ, ജനറൽ സെക്രട്ടറി ഫിറോസ് ഹമീദ്, സെക്രട്ടറി പി.ടി. ഷാഫി, ട്രഷറർ എൻ.പി. അബ്ദുൽ റസാഖ്, മുഹമ്മദ് നൈസാം, ഖലീൽ റഹ്മാൻ, മുനീർ മഠത്തിൽ, കെ.എം. അൻസാർ, അഷ്റഫ് മുഹമ്മദ്, ആസിഫ്, സി.കെ. നജീബ് എന്നിവർ പങ്കെടുത്തു. അമീറായി തെരഞ്ഞെടുത്തതിന് ശേഷം ഇതാദ്യമായാണ് പി. മുജീബ് റഹ്മാൻ കുവൈത്തിലെത്തുന്നത്. വെള്ളിയാഴ്ച അബ്ബാസിയ ഇന്ത്യൻ സെൻട്രൽ സ്കൂളിൽ നടക്കുന്ന സമ്മേളനത്തിൽ മുൻ വഖഫ് ബോർഡ് ചെയർമാൻ റഷീദലി ശിഹാബ് തങ്ങൾ, എഴുത്തുകാരനും ചിന്തകനുമായ കെ.ഇ.എൻ, മീഡിയവൺ എഡിറ്റർ പ്രമോദ് രാമൻ തുടങ്ങിയവരും പങ്കെടുക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.