കെഫാക് സോക്കർ ലീഗ് മത്സരത്തിൽ സന്തോഷ് ട്രോഫി, ഐ ലീഗ് മുൻതാരം പ്രവീൺ കുമാർ കളിക്കാരെ പരിചയപ്പെടുന്നു
കുവൈത്ത് സിറ്റി: കെഫാക് സോക്കർ ലീഗിലെ ഗ്രൂപ് എ മത്സരങ്ങളിൽ മാക് കുവൈത്ത്, സ്പാർക്സ് എഫ്.സി ടീമുകൾക്ക് ജയം. ഇന്നോവേറ്റിവ് എഫ്.സി -ബ്ലാസ്റ്റേഴ്സ് എഫ്.സി, സെഗുറോ കേരള ചലഞ്ചേഴ്സ് -ചാമ്പ്യൻസ് എഫ്.സി മത്സരങ്ങൾ സമനിലയിലായി.
നിലവിലെ ചാമ്പ്യന്മാരായ ഇന്നോവേറ്റിവ് എഫ്.സിയും ബ്ലാസ്റ്റേഴ്സ് എഫ്.സിയും രണ്ട് ഗോളുകൾ വീതം നേടിയാണ് സമനിലയിൽ പിരിഞ്ഞത്. ഇന്നോവേറ്റിവ് എഫ്.സിക്കുവേണ്ടി നിതിനും ഹരിയും ഗോളുകൾ നേടി. ബ്ലാസ്റ്റേഴ്സിന്റെ ഷമീറും നിതിനുമാണ് സ്കോറർമാർ. സെഗുറോ കേരള ചലഞ്ചേഴ്സ്, ചാമ്പ്യൻസ് എഫ്.സി ടീമുകൾ ഓരോ ഗോളടിച്ചാണ് സമനിലയിൽ പിരിഞ്ഞത്. ചാമ്പ്യൻസ് എഫ്.സിക്കുവേണ്ടി കിഷോറും ചലഞ്ചേഴ്സിനുവേണ്ടി സുധീഷും ഗോളുകൾ നേടി.
മാക് കുവൈത്ത് എഫ്.സി ഒന്നിനെതിരെ മൂന്നു ഗോളുകൾക്ക് മെറിറ്റ് അൽശബാബ് എഫ്.സിയെ പരാജയപ്പെടുത്തി. മാക് കുവൈത്തിന് വേണ്ടി സാലിഹ് രണ്ടും മുബശ്ശിർ ഒരു ഗോളും, ശബാബിനുവേണ്ടി ജിനീഷ് ഒരു ഗോളും നേടി. സ്പാപർക്സ് എഫ്.സി ഒന്നിനെതിരെ രണ്ട് ഗോളുകൾക്കാണ് സി.എഫ് സാൽമിയയെ പരാജയപ്പെടുത്തിയത്. സ്പാർക്സ് എഫ്.സിക്കുവേണ്ടി ഗോകുലും ജസീലുദ്ദീനും ഗോളുകൾ നേടി. സി.എഫ്.സി സാൽമിയക്ക് വേണ്ടി ഹസൻ ഒരു ഗോൾ നേടി.
മത്സരങ്ങൾ വീക്ഷിക്കാൻ മുഖ്യാതിഥിയായെത്തിയ സന്തോഷ് ട്രോഫി, ഐ ലീഗ് മുൻതാരം പ്രവീൺ കുമാർ കളിക്കാരെ പരിചയപ്പെട്ടു. പ്രസിഡന്റ് മൻസൂർ കുന്നത്തേരി, സെക്രട്ടറി ജോസ് കാർമെൻറ്, വൈസ് പ്രസിഡന്റ് ബിജു ജോണി, അഡ്വൈസർ ടി.വി. സിദ്ദീഖ്, കെഫാക് ഭാരവാഹികൾ എന്നിവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.