ഇ​സ്രാ​യേ​ൽ നി​രോ​ധി​ത ആ​യു​ധ​ങ്ങ​ൾ പ്ര​യോ​ഗി​ക്കു​ന്നു; പൊ​ള്ള​ലേ​റ്റ് ച​ർ​മം ക​റു​ത്ത​താ​യി മാ​റു​ന്നു

കു​വൈ​ത്ത് സി​റ്റി: അ​ന്താ​രാ​ഷ്ട്ര​ത​ല​ത്തി​ൽ നി​രോ​ധി​ച്ച ആ​യു​ധ​ങ്ങ​ൾ ഇ​സ്രാ​യേ​ൽ ഗ​സ്സ​ക്കാ​ർ​ക്കു​നേ​രെ പ്ര​യോ​ഗി​ക്കു​ക​യാ​ണെ​ന്ന് ഗ​സ്സ​യി​ലെ കു​വൈ​ത്ത് സ്പെ​ഷ​ലൈ​സ്ഡ് ഹോ​സ്പി​റ്റ​ൽ ഡ​യ​റ​ക്ട​ർ ഡോ. ​സു​ഹൈ​ബ് അ​ൽ ഹം​സ്. ആ​ശു​പ​ത്രി​യി​ലെ​ത്തി​യ പ​രി​ക്കേ​റ്റ​വ​രു​ടെ എ​ണ്ണ​വും ത​ര​ങ്ങ​ളും അ​ഭൂ​ത​പൂ​ർ​വ​മാ​ണ്. ചി​ല​ർ​ക്ക് ശ​രീ​ര​ത്തി​ന്റെ ഭൂ​രി​ഭാ​ഗ​വും പൊ​ള്ള​ലേ​റ്റ് ച​ർ​മം ക​റു​ത്ത​താ​യി മാ​റു​ന്നു. ചി​ല രോ​ഗി​ക​ൾ അ​ജ്ഞാ​ത വാ​ത​ക​ങ്ങ​ൾ മൂ​ലം ശ്വാ​സം​മു​ട്ടി മ​രി​ക്കു​ക​യും ചെ​യ്തു​വെ​ന്നും അ​ൽ ഹം​സ് വ്യ​ക്ത​മാ​ക്കി. ആ​രോ​ഗ്യ​സം​വി​ധാ​നം ത​ക​ർ​ന്ന​താ​യി ആ​രോ​ഗ്യ മ​ന്ത്രാ​ല​യം പ്ര​ഖ്യാ​പി​ച്ച​തി​നു പി​ന്നാ​ലെ ഗ​സ്സ ഒ​രു ദു​ര​ന്ത​ത്തി​ലൂ​ടെ​യാ​ണ് ക​ട​ന്നു​പോ​കു​ന്ന​ത്.

ക​ഴി​ഞ്ഞ 20 ദി​വ​സ​മാ​യി ഇ​ട​വേ​ള​ക​ളി​ല്ലാ​തെ മെ​ഡി​ക്ക​ൽ ടീ​മു​ക​ൾ ക​ഷ്ട​പ്പെ​ട്ടു ജോ​ലി ചെ​യ്യു​ക​യാ​ണ്. ഇ​തി​നി​ടെ അ​ധി​നി​വേ​ശ​സേ​ന ആ​ശു​പ​ത്രി​യി​ൽ ബോം​ബെ​റി​ഞ്ഞ് നി​ര​വ​ധി ആ​ളു​ക​ളെ കൊ​ല്ലു​ക​യും പ​രി​ക്കേ​ൽ​പി​ക്കു​ക​യും ചെ​യ്തു. ആ​ശു​പ​ത്രി​ക​ൾ നി​റ​ഞ്ഞു​ക​വി​ഞ്ഞ് പ​ര​മാ​വ​ധി ശേ​ഷി​യി​ൽ എ​ത്തി​യ​തി​നാ​ൽ ഗ​സ്സ​യി​ൽ​നി​ന്ന് പ​രി​ക്കേ​റ്റ​വ​രെ ഒ​ഴി​പ്പി​ക്കാ​ൻ റ​ഫ അ​തി​ർ​ത്തി ക്രോ​സി​ങ് തു​റ​ക്കാ​നും വൈ​ദ്യ​സ​ഹാ​യം അ​നു​വ​ദി​ക്കാ​നും അ​ൽ ഹം​സ് അ​ന്താ​രാ​ഷ്ട്ര സ​മൂ​ഹ​ത്തോ​ട് ആ​വ​ശ്യ​പ്പെ​ട്ടു. ഫ​ല​സ്തീ​ൻ ജ​ന​ത​ക്കും ഗ​സ്സ​ക്കും കു​വൈ​ത്ത് ന​ൽ​കു​ന്ന തു​ട​ർ​ച്ച​യാ​യ പി​ന്തു​ണ​യെ അ​ദ്ദേ​ഹം പ്ര​ശം​സി​ച്ചു.