പ്രജോബ്
കുവൈത്ത് സിറ്റി: കുവൈത്തിലെ ഇന്ത്യൻ സ്കൂള് വിദ്യാർഥി യു.എസില് മരിച്ചു. തമിഴ്നാട് തിരുനെല്വേലി സ്വദേശി പ്രജോബ് ജെബാസ് ആണ് മരിച്ചത്. പന്ത്രണ്ടാം ക്ലാസ് വിദ്യാർഥിയായിരുന്നു. ഫ്ലോറിഡയിലെ നാസ കേന്ദ്രം സന്ദർശിക്കാൻ എത്തിയതായിരുന്നു. ഇതിനിടെ ഒർലാൻഡോയിലെ താമസിച്ചിരുന്ന ഹോട്ടലിലെ നീന്തൽ കുളത്തിൽ വീണു ഗുരുതരാവസ്ഥയിൽ ആശുപത്രിയിൽ കഴിയുകയായിരുന്നു.
വെൻറിലേറ്ററിന്റെ സഹായത്തോടെയാണ് ആശുപത്രിയിൽ കഴിഞ്ഞത്. സ്കൂളിൽ നിന്നുള്ള 60 സഹപാഠികളും ആറ് അധ്യാപകരും അടങ്ങുന്ന സംഘത്തിനൊപ്പമാണ് പ്രജോബ് യു.എസിൽ എത്തിയത്. പ്രജോബിന്റെ മാതാപിതാക്കള് കഴിഞ്ഞ ദിവസം ഒര്ലാൻഡോയില് എത്തിയിരുന്നു. വർഷങ്ങളായി പ്രജോബ് ജെബാസിന്റെ കുടുംബം കുവൈത്തിലുണ്ട്. പ്രജോബിന്റെ പിതാവ് സഹായ തോമസ് കറാഫി കൺസ്ട്രഷൻ കമ്പനി ജീവനക്കാരനാണ്. മാതാവ് വനിത വിൻസി ടാലി ഗ്രൂപ്പിൽ ജോലിചെയ്യുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.