കുവൈത്ത് സിറ്റി: ഫ്രൻഡ്സ് ഓഫ് കണ്ണൂർ കുവൈത്ത് എക്സ്പാറ്റ്സ് അസോസിയേഷൻ (ഫോക്) കണ്ണൂ ർ ജില്ലയിലെ വിവിധ മേഖലകളിൽ കഴിവുതെളിയിച്ചവർക്ക് നൽകുന്ന ഗോൾഡൻ ഫോക്ക് അവാർഡ് സർക്കസ് കുലപതി ജെമിനി ശങ്കരന് കണ്ണൂരിൽ നടന്ന ചടങ്ങിൽ മുഖ്യമന്ത്രി പിണറായി വിജയൻ കൈമാറി. ഫോക് പ്രസിഡൻറ് ഓമനക്കുട്ടൻ അധ്യക്ഷത വഹിച്ചു. സാഹിത്യകാരൻ ടി. പദ്മനാഭൻ ജെമിനി ശങ്കരനെ പൊന്നാട അണിയിച്ചു. ആരോഗ്യമന്ത്രി കെ.കെ. ശൈലജ ടീച്ചർ, കെ.കെ. രാഗേഷ് എം.പി, ജില്ല പഞ്ചായത്ത്‌ പ്രസിഡൻറ് കെ.വി. സുമേഷ്, കെ.പി.സി.സി സെക്രട്ടറി പി. രാമകൃഷ്ണൻ, സ്വാതന്ത്ര്യസമര സേനാനി രൈരു നായർ, വിനോദ് നാരായൺ, ദിനകരൻ കൊമ്പിലാത്ത് എന്നിവർ സംസാരിച്ചു. ഫോക്ക് വൈസ് പ്രസിഡൻറ് അനൂപ് കുമാർ, സ്പോർട്സ് സെക്രട്ടറി ലിജീഷ് എന്നിവരും സംബന്ധിച്ചു.
കെ.കെ.ആർ വേങ്ങര നിർമിച്ച ശിൽപവും 25,000 രൂപയും ആണ് അവാർഡ്. പ്രളയദുരിതാശ്വാസ നിധിയിലേക്ക് ഏഴുലക്ഷം രൂപ രണ്ടാം ഘട്ടമായി മുഖ്യമന്ത്രിക്ക് കൈമാറി. ആദ്യഘട്ടമായി അഞ്ചുലക്ഷം നൽകിയിരുന്നു. അവാർഡ് കമ്മിറ്റി അംഗം കെ.കെ.ആർ വേങ്ങര സ്വാഗതവും ആർട്സ് സെക്രട്ടറി രാജേഷ് പരപ്രത് നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.