അഡ്വ. ജോൺ തോമസിന് കുടയുടെ ഉപഹാരം ജനറൽ കൺവീനർ ചെസ്സിൽ ചെറിയാൻ
കൈമാറുന്നു
കുവൈത്ത് സിറ്റി: പ്രവാസം അവസാനിപ്പിച്ചു ജന്മനാട്ടിലേക്ക് യാത്രയാകുന്ന ആലപ്പുഴ ചെങ്ങന്നൂർ സ്വദേശിയും അബ്ബാസിയ യുനൈറ്റഡ് ഇന്ത്യൻ സ്കൂൾ മാനേജരുമായ അഡ്വ. ജോൺ തോമസിനും ഭാര്യ റേച്ചൽ തോമസിനും കേരള യുനൈറ്റഡ് ഡിസ്ട്രിക്ട്സ് അസോസിയേഷൻ (കുട) യാത്രയയപ്പ് നൽകി. ജനറൽ കൺവീനർ ചെസ്സിൽ ചെറിയാൻ അധ്യക്ഷത വഹിച്ചു. ഡോ. അമീർ അഹമ്മദ്, കുട കൺവീനർമാരായ അഡ്വ. മുഹമ്മദ് ബഷീർ, ഡോജി മാത്യൂ , സോജൻ മാത്യൂ , സത്താർ കുന്നിൽ, ബാബുജി ബത്തേരി, അബ്ദുൽ അസീസ് എന്നിവർ ആശംസകളർപ്പിച്ചു.
കുവൈത്തിലെ സംഘടനകൾക്കു അദ്ദേഹം നൽകിയ സംഭാവനകളെ സംഘടന പ്രതിനിധികൾ അനുസ്മരിച്ചു. അഡ്വ. ജോൺ തോമസ് മറുപടി പ്രസംഗം നടത്തി. കുടയുടെ ഉപഹാരം ചെസ്സിൽ ചെറിയാൻ അഡ്വ. ജോൺ തോമസിന് കൈമാറി. കോഡിനേറ്റർ സലിം രാജ് സ്വാഗതവും കുട കൺവീനർ ജീയാഷ് അബ്ദുൽ കരീം നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.