സാന്ത്വനം കുവൈത്തിന്റെ ഉപഹാരം ഭാരവാഹികൾ അഡ്വ. ജോൺ തോമസിന് കൈമാറുന്നു
കുവൈത്ത് സിറ്റി: അബ്ബാസിയ യുനൈറ്റഡ് ഇന്ത്യൻ സ്കൂൾ മാനേജർ അഡ്വ. ജോൺ തോമസിന് സാന്ത്വനം കുവൈത്ത് യാത്രയയപ്പ് നൽകി.
അബ്ബാസിയയെ മലയാളികളുടെ ഒരു പ്രിയപ്പെട്ട ഇടമാക്കി മാറ്റിയതിൽ സുപ്രധാന പങ്ക് യുനൈറ്റഡ് ഇന്ത്യൻ സ്കൂളിനുണ്ട്. കുവൈത്തിലെ മലയാളികളുടെ സാംസ്കാരിക പൊതുയിടമായി ആ സ്കൂൾ മാറിയതിൽ ജോൺ തോമസിന്റെ ഇടപെടൽ വലിയ പങ്കുവഹിച്ചിട്ടുണ്ടെന്നും സാന്ത്വനം കുവൈത്ത് വിലയിരുത്തി.
സാന്ത്വനം കുവൈത്തിനു വലിയ പിന്തുണ ജോൺ തോമസ് നൽകുകയുണ്ടായി. നാട്ടിലും കർമനിരതമായ സാമൂഹിക ജീവിതം നയിക്കാൻ ജോൺ തോമസിനു കഴിയട്ടെ എന്ന് സാന്ത്വനം കുവൈത്ത് ആശംസിച്ചു. സാന്ത്വനത്തിനു വേണ്ടി പ്രസിഡന്റ് ജ്യോതിദാസ്, സെക്രട്ടറി ജിതിൻ, ഉപദേശക സമിതി അംഗം രമേശ് എന്നിവർ ചേർന്ന് ജോൺ തോമസിന് ഉപഹാരം കൈമാറി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.