കുവൈത്ത് സിറ്റി: 40 വർഷത്തെ പ്രവാസജീവിതം അവസാനിപ്പിച്ച് നാട്ടിൽ പോകുന്ന കാസർകോട് എക്സ്പാട്രിയേറ്റ്സ് അസോസിയേഷൻ സ്ഥാപക വൈസ് പ്രസിഡൻറ് കെ.പി. ബാലന് സംഘടന യാത്രയയപ്പ് നൽകി. സെൻട്രൽ കമ്മിറ്റിയുടെ ഉപഹാരം പ്രസിഡൻറ് സത്താർ കുന്നിലും ജനറൽ സെക്രട്ടറി സലാം കളനാടും ചേർന്ന് നൽകി. സാൽമിയ- ഹവല്ലി ഏരിയ കമ്മിറ്റിയുടെ ഉപഹാരം ഏരിയ പ്രസിഡൻറ് ഫാറൂഖ് ശർഖിയും ട്രഷറർ വിമൽ ശിവനും കൈമാറി. സാൽമിയ പാർക്കിൽ നടന്ന ചടങ്ങിൽ പ്രസിഡൻറ് സത്താർ കുന്നിൽ അധ്യക്ഷതവഹിച്ചു.
സെൻട്രൽ കമ്മിറ്റി നേതാക്കളായ അഷ്റഫ് തൃക്കരിപ്പൂർ, നളിനാക്ഷൻ ഒളവറ, പി.എ. നാസർ, സമീഉല്ല, ഹനീഫ പാലായി, ഏരിയ നേതാക്കളായ സി.എച്ച്. മുഹമ്മദ് കുഞ്ഞി, പി.പി. ഇബ്രാഹിം, സി.എച്ച്. ഫൈസൽ, ഹാരിസ് മുട്ടുംതല, മുസ്തഫ ചെമ്മനാട്, ഫായിസ് ബേക്കൽ എന്നിവർ സംസാരിച്ചു. ഏരിയ ജനറൽ സെക്രട്ടറി ഹസൻ ബല്ല സ്വാഗതം പറഞ്ഞു. കെ.ഇ.എ ചെയർമാൻ എൻജിനീയർ അബൂബക്കർ, മുഖ്യ രക്ഷാധികാരി സഗീർ തൃക്കരിപ്പൂർ, സെൻട്രൽ കമ്മിറ്റി ട്രഷറർ രാമകൃഷ്ണൻ കള്ളാർ, വർക്കിങ് പ്രസിഡൻറ് ഹമീദ് മധൂർ, മുൻ ഏരിയ പ്രസിഡൻറ് മുഹമ്മദ് ഹദ്ദാദ്, ജലീൽ ആരിക്കാടി, ബാബു എന്നിവർ ഓൺലൈനിലൂടെ ആശംസയർപ്പിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.