ജിദ്ദ/കുവൈത്ത് സിറ്റി: സൗദിയിൽ ഒരാൾക്ക് കൂടി കോവിഡ് 19 വൈറസ് ബാധ കണ്ടെത്തിയതായി സൗദി ആരോഗ്യ മന്ത്രാലയം അ റിയിച്ചു. സൗദിയിലെ ആകെ രോഗികളുടെ എണ്ണം 21 ആയി. കുവൈത്തിൽ മൂന്നാൾക്ക് കൂടി രോഗം സ്ഥിരീകരിച്ചതോടെ ആകെ രോഗികളുടെ എണ്ണം 72 ആയി.
ന്യൂയോർക്കിൽ നിന്ന് ജിദ്ദ വിമാനത്താവളം വഴി െകയ്റോവിലേക്ക് യാത്ര ചെയ്യുന്ന ഇൗജിപ്ഷ്യൻ പൗരനാണ് സൗദിയിൽ കോവിഡ്19 ബാധ കണ്ടെത്തിയത്. വിമാനത്താവളത്തിലെ താപനിരീക്ഷണ കാമറകളിലാണ് ശരീര ഉൗഷ്മാവ് വർധിച്ചതായി കണ്ടെത്തിയത്. വിമാനത്താവളത്തിൽ നിന്ന് ഇദ്ദേഹത്തെ ജിദ്ദയിലെ ഒരു ആശുപത്രിയിലേക്ക് മാറ്റി. 14 ദിവസത്തിനുള്ളിലാണ് ഇയാൾ ഇൗജിപ്തിൽ നിന്ന് അമേരിക്കയിലേക്ക് പോയത്.
കുവൈത്തിൽ അഞ്ച് രോഗികളുടെ നില ഗുരുതരമാണ്. ഇവർ പ്രത്യേക പരിചരണത്തിലാണ്. കുവൈത്തിൽ േരാഗം സ്ഥിരീകരിച്ച മൂന്ന് പേർ കുവൈത്ത്, ഇൗജിപ്ത്, സുഡാൻ പൗരൻമാരാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.