കുവൈത്ത് സിറ്റി: കുവൈത്തിൽനിന്ന് വിദേശരാജ്യങ്ങളിലേക്ക് വിമാന സർവീസ് നടത്താൻ വിമാനക്കമ്പനികൾക്ക് അനുമ തി നൽകും. കുവൈത്തിലുള്ള വിദേശികൾക്ക് സ്വന്തം നാട്ടിൽ പോവാൻ വിമാന സർവീസ് പുനരാരംഭിക്കാൻ വ്യാഴാഴ്ച രാത്രി ചേർന്ന മിനിസ്റ്റീരിയൽ കൗൺസിലാണ് തീരുമാനിച്ചത്.
കുവൈത്തിൽ കുടുങ്ങിക്കിടക്കുന്ന വിദേശികൾക്ക് ഇത് ആശ്വാസമാണ്. യാത്രാവിമാനങ്ങൾ നിർത്തിയതോടെ നിരവധി പേരാണ് ഇവിടെ കുടുങ്ങിക്കിടക്കുന്നത്. കുവൈത്തിലേക്കുള്ള വിമാന സർവീസുകൾ പുനരാരംഭിക്കാൻ സമയമെടുക്കും. കുവൈത്ത് സർക്കാറുമായി കരാറിലുള്ള ശുചീകരണ കമ്പനികൾ ജീവനക്കാർക്ക് ശമ്പളം കൃത്യമായി നൽകുന്നുണ്ടെന്ന് ഉറപ്പുവരുത്തും. വീഴ്ച വരുത്തുന്ന കമ്പനികൾക്കെതിരെ നടപടിയെടുക്കാനും മിനിസ്റ്റീരിയൽ കൗൺസിൽ തീരുമാനിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.