കുവൈത്ത് സിറ്റി: കുവൈത്തിൽ 25 പേർക്ക് കൂടി കോവിഡ് സ്ഥിരീകരിച്ചു. ഇതോടെ രോഗബാധിതരുടെ എണ്ണം 342 ആയി. വ്യാഴാഴ് ചത്തെ ഒന്നടക്കം രോഗമുക്തി നേടിയവരുടെ എണ്ണം 81 ആയി. ബാക്കി 261 പേർ ചികിത്സയിലുണ്ട്. 15 പേരാണ് തീവ്രപരിചരണ വിഭാഗത്തിലുള്ളത്. വ്യാഴാഴ്ച കോവിഡ് സ്ഥിരീകരിച്ചവരിൽ നാലുപേർ ബ്രിട്ടനിൽനിന്ന് വന്ന സ്വദേശികളാണ്.
ഫ്രാൻസിൽനിന്ന് വന്ന ഒരു സ്വദേശിക്കും ഒരു ഫിലിപ്പീൻസ് പൗരനും രോഗം സ്ഥിരീകരിച്ചു. നേരത്തെ കോവിഡ് സ്ഥിരീകരിച്ചവരുമായി സമ്പർക്കം പുലർത്തിയ ഏഴ് ഇന്ത്യക്കാർ, ഒരു ബംഗ്ലാദേശി എന്നിവർക്കും നാട്ടിൽനിന്ന് വന്ന ഒരു ഇന്ത്യക്കാരനും വൈറസ് സ്ഥിരീകരിച്ചു. ആറ് ഇന്ത്യക്കാർ, മൂന്ന് ബംഗ്ലാദേശികൾ, ഒരു ഇൗജിപ്ഷ്യൻ എന്നിവർക്ക് കോവിഡ് വന്ന വഴി അന്വേഷിച്ചുവരുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.