കുവൈത്തിൽ കഫേ, സലൂൺ ഉടമകൾ നടത്തിയ പ്രതിഷേധം
കുവൈത്ത് സിറ്റി: കോവിഡ് പ്രതിരോധത്തിനായി സലൂണുകൾ അടച്ചിടാനും കഫേകളിൽ ഇരുന്ന് കഴിക്കുന്നത് നിയന്ത്രിച്ചും ഉത്തരവിറക്കിയതിനെതിരെ കഫേ, സലൂൺ ഉടമകൾ സമരം നടത്തി. പാർലമെൻറ് മന്ദിരത്തിന് മുന്നിലെ ഇറാദ ചത്വരത്തിലാണ് ശനിയാഴ്ച സമരം പ്രഖ്യാപിച്ചിരുന്നതെങ്കിലും പൊലീസ് അനുവദിച്ചില്ല. ഇറാദ ചത്വരത്തിന് മുന്നിൽ പൊലീസ് നിലയുറപ്പിച്ചതോടെ സമരക്കാർ ഫിഷർമെൻ ദീവാനിയയിലേക്ക് നീങ്ങി. ഇവിടെയും ഒത്തുകൂടുന്നതിന് പൊലീസ് തടയിട്ടു. എല്ലാവരോടും പിരിഞ്ഞുപോകാൻ ആവശ്യപ്പെട്ടതോടെ പ്രതിഷേധക്കാർ ബാർ അസോസിയേഷൻ ചത്വരത്തിലേക്ക് നീങ്ങി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.