അഡ്വ.പി. ജോൺ തോമസിന് തിരുവല്ല പ്രവാസി അസോസിയേഷന്റെ ഉപഹാരം ഫാദർ എബി മട്ടക്കൽ കൈമാറുന്നു
കുവൈത്ത് സിറ്റി: പ്രവാസ ജീവിതത്തിനുശേഷം നാട്ടിലേക്കുപോകുന്ന അഡ്വ. പി ജോൺ തോമസിനും കുടുംബത്തിനും തിരുവല്ല പ്രവാസി അസോസിയേഷൻ യാത്രയയപ്പു നൽകി. പ്രസിഡന്റ് റെജി കൊരുത്ത് അധ്യക്ഷത വഹിച്ചു. കുവൈത്ത് സെന്റ് പീറ്റേഴ്സ് ക്നാനായാ വികാരി ഫാദർ എബി മട്ടക്കൽ ഉദ്ഘാടനം ചെയ്തു.
രക്ഷാധികാരി കെ.എസ്. വർഗീസ്, കേരള പ്രവാസി അസോസിയേഷൻ രക്ഷാധികാരി തോമസ് പള്ളിക്കൽ, ജനറൽ സെക്രട്ടറി ജെയിംസ് വി. കൊട്ടാരം, പി.ആർ.ഒ ഷിജു ആലപ്പാട്, ജോ.സെക്രട്ടറി ബൈജു ജോസ് എന്നിവർ സംസാരിച്ചു. കെ.എസ്. വർഗീസ് അഡ്വ. ജോൺ തോമസിനെ പൊന്നാട അണിയിച്ചു. തിരുവല്ല പ്രവാസി അസോസിയേഷന്റെ ഉപഹാരം ഫാദർ എബി മട്ടക്കൽ ജോൺ തോമസിനു നൽകി. ക്രിസ്റ്റി അലക്സാണ്ടർ, ശിവ കുമാർ തിരുവല്ല, അലക്സ് കറ്റൊട്, ടിൻസി ഇടുക്കി, സജി പൊടിയാടി എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.