കുവൈത്ത് സിറ്റി: കബദില് സ്വദേശി പെണ്കുട്ടിയെ മാനസികരോഗിയായ യുവാവ് പീഡിപ്പിച്ചു കൊലപ്പെടുത്തിയെന്ന വാര്ത്ത ആഭ്യന്തരമന്ത്രാലയം നിഷേധിച്ചു. അങ്ങനെയൊരു സംഭവം നടന്നതായി രാജ്യത്തെ ഒരു പൊലീസ് സ്റ്റേഷനിലും കേസ് രജിസ്റ്റര് ചെയ്തിട്ടില്ലാത്തതിനാല് വാര്ത്ത അടിസ്ഥാനരഹിതമാണെന്ന് മന്ത്രാലയം വ്യക്തമാക്കി.
കബദിലെ ജംഇയ്യക്കുമുന്നില് കളിക്കുകയായിരുന്ന കുട്ടിയെ മാനസികരോഗിയായ സ്വദേശി യുവാവ് തട്ടിയെടുത്തുകൊണ്ടുപോവുകയും മാനഭംഗം നടത്തിയശേഷം കൊലപ്പെടുത്തിയെന്നും സോഷ്യല് മീഡിയകളിലൂടെയാണ് വാര്ത്ത പ്രചരിച്ചത്. ഇതിന്െറ അടിസ്ഥാനത്തില് പൊലീസ് നടത്തിയ അന്വേഷണത്തിലാണ് അത്തരമൊരു സംഭവം അടുത്തിടെ രാജ്യത്തെവിടെയും നടന്നിട്ടില്ളെന്ന് വ്യക്തമായത്. അതിനിടെ, ഇത്തരം അടിസ്ഥാനരഹിതമായ വാര്ത്തകള് പ്രചരിപ്പിക്കുന്നവര്ക്കെതിരെ ശക്തമായ നിയമനടപടികള് കൈകൊള്ളുമെന്ന് ആഭ്യന്തര വകുപ്പ് മുന്നറിയിപ്പുനല്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.