കുവൈത്ത് സിറ്റി: കുവൈത്ത് അമീര് ശൈഖ് സബാഹ് അല് അഹ്മദ് അസ്സബാഹും സംഘവും ന്യൂയോര്ക്കിലേക്ക് പുറപ്പെട്ടു. ഐക്യരാഷ്ട്രസഭ സംഘടിപ്പിക്കുന്ന സുസ്ഥിര വികസന സമ്മേളനം, ഭീകരതാ വിരുദ്ധ സമ്മേളനം എന്നിവയില് പങ്കെടുക്കുന്നതിനാണ് അമീറും കുവൈത്ത് സംഘവും ന്യൂയോര്ക്കിലത്തെുന്നത്.
ഒന്നാം ഉപപ്രധാനമന്ത്രിയും വിദേശകാര്യ മന്ത്രിയുമായ ശൈഖ് സബാഹ് അല് ഖാലിദ് അല് ഹമദ് അസ്സബാഹും ഉയര്ന്ന ഉദ്യോഗസ്ഥരും അമീറിനെ അനുഗമിക്കുന്നുണ്ട്. കിരീടാവകാശി ശൈഖ് നവാഫ് അല് അഹ്മദ് അസ്സബാഹ്, പ്രധാനമന്ത്രി ശൈഖ് ജാബിര് അല്മുബാറക് അസ്സബാഹ്, സ്പീക്കര് മര്സൂഖ് അല് ഗാനിം, ശൈഖ് നാസര് അല് മുഹമ്മദ് അല്അഹ്മദ് അസ്സബാഹ് തുടങ്ങിയവര് അമീറിനെയും സംഘത്തെയും യാത്രയയക്കുന്നതിന് വിമാനത്താവളത്തില് എത്തിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.