വൈ.കെ. അൽമോയ്ദ് ആൻഡ് സൺസ് സാരഥികൾ ഇന്ത്യൻ അംബാസഡറുമായി കൂടിക്കാഴ്ച നടത്തുന്നു
മനാമ: വൈ.കെ. അൽമോയ്ദ് ആൻഡ് സൺസ് ചെയർമാൻ ഫാറൂഖ് അൽമോയ്ദ്, ചീഫ് എക്സിക്യൂട്ടിവ് ഓഫിസർ അലോക് ഗുപ്ത എന്നിവർ ബഹ്റൈനിലെ ഇന്ത്യൻ അംബാസഡർ പീയൂഷ് ശ്രീവാസ്തവയുമായി കൂടിക്കാഴ്ച നടത്തി. ഇന്ത്യയും ബഹ്റൈനും തമ്മിലുള്ള ചരിത്രപരമായ ബന്ധങ്ങളെക്കുറിച്ച് ഇരുവരും ഇന്ത്യൻ അംബാസഡറോട് വിശദീകരിച്ചു. കമ്പനിയുടെ സ്ഥാപകൻ യൂസഫ് ഖലീൽ അൽമോയ്ദ് 1930കളിൽ ഇന്ത്യയുമായി വ്യാപാര ബന്ധം സ്ഥാപിച്ചിരുന്നു. ഇന്ന് ഇന്ത്യയിലെ പ്രമുഖ ബ്രാൻഡുകളായ അശോക് ലെയ്ലാൻഡ്, എം.ആർ.എഫ് ടയേഴ്സ്, ജിൻഡാൽ സോ ലിമിറ്റഡ്, ജഗ്വാർ ബാത്ത് ഫിറ്റിങ്സ് തുടങ്ങിയവയുടെ ബഹ്റൈനിലെ വിതരണക്കാർ വൈ.കൈ. അൽമോയ്ദ് ആൻഡ് സൺസാണ്. തുടക്കം മുതൽ ഗ്രൂപ്പിനൊപ്പം പ്രവർത്തിച്ച ഇന്ത്യൻ പ്രഫഷനലുകൾ നൽകിയ സേവനങ്ങളും അംബാസഡറോട് വിശദീകരിച്ചു.
തനിക്ക് നൽകിയ സ്വീകരണത്തിന് അംബാസഡർ പീയൂഷ് ശ്രീവാസ്തവ നന്ദി പറഞ്ഞു. ഇരു രാജ്യങ്ങളും തമ്മിലുള്ള വ്യാപാര ബന്ധം കൂടുതൽ ശക്തമാകാൻ പിന്തുണയും അദ്ദേഹം വാഗ്ദാനം ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.