എസ്.കെ.എസ്.എസ്.എഫ് തൻബീഹ് എൻലൈറ്റനിങ് പരിപാടി
മനാമ: എസ്.കെ.എസ്.എസ്.എഫ് ബഹ്റൈൻ കമ്മിറ്റിയുടെ നേതൃത്വത്തിൽ സമസ്ത ബഹ്റൈൻ വിവിധ ഏരിയകൾ കേന്ദ്രീകരിച്ച് നടത്തപ്പെടുന്ന തൻബീഹ് എൻലൈറ്റനിങ് പ്രോഗ്രാമിന്റെ നാലാമത്തെ പരിപാടി നടന്നു. സമസ്ത ബഹ്റൈൻ ഹിദ്ദ് ഏരിയ കമ്മിറ്റിയുടെ ആതിഥേയത്വത്തിലാണ് പ്രോഗ്രാം സംഘടിപ്പിച്ചത്.
സമസ്ത ബഹ്റൈൻ കേന്ദ്ര വൈസ് പ്രസിഡന്റ് യാസർ ജിഫ്രി തങ്ങൾ ഉദ്ഘാടനം നിർവഹിച്ചു. ചടങ്ങിൽ എസ്.കെ.എസ്.എസ്.എഫ് ഇബാദിന്റെ സ്റ്റേറ്റ് കോഓഡിനേറ്റർ അബ്ദുൽ റഷീദ് ബാഖവി എടപ്പാൾ ‘ഇലാഹിലലിയാം’ എന്ന വിഷയത്തെ ആസ്പദമാക്കി പ്രഭാഷണം നടത്തി.
പ്രതിസന്ധികൾ നേരിടുമ്പോൾ ഇലാഹിയായ മാർഗത്തിലൂടെ ജീവിതത്തെ നയിക്കണമെന്നും ആത്മധൈര്യത്തോടെ നേരിടാൻ കഴിയണമെന്നും അദ്ദേഹം പറഞ്ഞു. രണ്ടാമത്തെ നേതൃസ്മരണ സെഷനിൽ സമസ്ത ബഹ്റൈൻ കോഓഡിനേറ്റർ അഷറഫ് അൻവരി ചേലക്കര, സമസ്ത കേരള ജംഇയ്യതുൽ ഉലമയുടെ മൺമറഞ്ഞുപോയ നേതാക്കളെ അനുസ്മരിച്ചു. എസ്.കെ.എസ്.എസ്.എഫ് ബഹ്റൈൻ ജനറൽ സെക്രട്ടറി നവാസ് കുണ്ടറ അധ്യക്ഷതവഹിച്ചു.
യോഗത്തിൽ സമസ്ത ബഹ്റൈൻ വർക്കിങ് പ്രസിഡന്റ് വി.കെ. കുഞ്ഞഹമ്മദ് ഹാജി, ജനറൽ സെക്രട്ടറി എസ്.എം. അബ്ദുൽ വാഹിദ്, റെയിഞ്ച് ജംഇയ്യതുൽ മുഅല്ലിമീൻ സെക്രട്ടറി ബഷീർ ദാരിമി, സമസ്ത ഹിദ്ദ് ഏരിയ ഭാരവാഹി ഫായിസ് എന്നിവർ സംസാരിച്ചു. സമസ്ത കേന്ദ്ര വൈസ് പ്രസിഡന്റുമാരായ മുഹമ്മദ് മുസ്ലിയാർ എടവണ്ണപ്പാറ, ഹാഫിള് ശറഫുദ്ദീൻ മൗലവി.
റെയിഞ്ച് ജംഇയ്യതുൽ മുഅല്ലിമീൻ, ട്രഷറർ മഹ്മൂദ് മാട്ടൂൽ, എസ്.കെ.എസ്.എസ്.എഫ് ബഹ്റൈൻ വൈസ് പ്രസിഡന്റുമാരായ അബ്ദുൽ മജീദ് ചോലക്കോട്, സജീർ പന്തക്കൽ, ഓർഗനൈസിങ് സെക്രട്ടറി മോനു മുഹമ്മദ്, ട്രഷറർ ഉമൈർ, ജോയന്റ് സെക്രട്ടറിമാരായ അഹമ്മദ് മുനീർ, റാഷിദ് കക്കട്ടിൽ, ഷാജഹാൻ, ഹിദ്ദ് ഏരിയ ഭാരവാഹികളായ സിറാജ്, അബ്ദുല്ല, ഉമ്മർ മുസ്ലിയാർ തുടങ്ങിയവരും സന്നിഹിതരായിരുന്നു.
എസ്.കെ.എസ്.എസ്.എഫ് ഹിദ്ദ് ഏരിയ കൺവീനർമാരായ ഉനൈസ്, സിയാദ് ആസിഫ് അലി തുടങ്ങിയവർ പരിപാടിക്ക് നേതൃത്വം നൽകി. എസ്.കെ.എസ്.എസ്.എഫ് ഹിദ്ദ് ഏരിയ ട്രെൻഡ് കൺവീനർ അനസ് ഹസനി സ്വാഗതവും വിഖായ ഹിദ്ദ് ഏരിയ കോഓഡിനേറ്റർ ഫിർദൗസ് വടകര നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.