മനാമ: സമസ്ത ബഹ്റൈന്‍ കേന്ദ്ര കമ്മറ്റി പെരുന്നാള്‍ ദിനത്തില്‍ ‘ഈദ് മുലാഖത്ത്’ സംഘടിപ്പിച്ചു. മനാമ ഗോള്‍ഡ് സിറ്റിയിലെ സമസ്ത ഓഡിറ്റോറിയത്തിൽ നടന്ന ചടങ്ങ് പ്രസിഡൻറ് ഫഖ്റുദ്ദീന്‍ കോയ തങ്ങള്‍ ഉദ്ഘാടനം ചെയ്തു. വ്രതാനുഷ്ഠാനത്തിലൂടെ നേടിയ ആത്മീയ ചൈതന്യം കെടാതെ സൂക്ഷിക്കാന്‍ വിശ്വാസികള്‍ ശ്രദ്ധിക്കണമെന്നും പരസ്പര ബന്ധങ്ങളും സൗഹൃദങ്ങളും ഊട്ടിയുറപ്പിക്കണമെന്നും അദ്ദേഹം പറഞ്ഞു.ശറഫുദ്ദീന്‍ മൗലവി, ഖാസിം റഹ്മാനി, എന്‍.ടി കരീം, അസീസ് ഹാജി, ഉബൈദുല്ല റഹ്മാനി, മജീദ് ചോലക്കോട് എന്നിവര്‍ സംസാരിച്ചു. ജസീര്‍, നൗഷാദ് കൊല്ലം എന്നിവര്‍ ഗാനാലാപനം നടത്തി. എസ്.എം.അബ്ദുല്‍ വാഹിദ് സ്വാഗതവും മുസ്തഫ കളത്തില്‍ നന്ദിയും പറഞ്ഞു. എസ്.കെ.എസ്.എസ്.എഫ് വിഖായ വിങ് നേതൃത്വം നല്‍കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.