മനാമ: സമസ്ത കേരള ഇസ്ലാം മത വിദ്യാഭ്യാസ ബോർഡിന്റെ മദ്റസകളിൽ പാഠപുസ്തക പരിഷ്കരണത്തിന്റെ ഭാഗമായി സമസ്തയുടെ മദ്റസകളിലെ അധ്യാപകർക്കുവേണ്ടി ശിൽപശാല ഇന്ന് നടക്കും. ഉച്ചക്ക് ഒന്നു മുതൽ രാത്രി 10.30 വരെയാണ് പരിപാടി. ബഹ്റൈനിലെ സമസ്തയുടെ മുഴുവൻ മദ്റസകളിലെ രക്ഷിതാക്കളെയും പങ്കെടുപ്പിച്ചുകൊണ്ട് 2025 മേയ് 17 ശനി വൈകീട്ട് അഞ്ചു മുതൽ എട്ടു വരെ പാരന്റ്സ് മീറ്റും മനാമയിലെ ഗോൾഡ് സിറ്റിയിലുള്ള സമസ്ത ഓഡിറ്റോറിയത്തിൽ സംഘടിപ്പിക്കും.
സമസ്ത ബഹ്റൈൻ പ്രസിഡന്റ് സയ്യിദ് ഫഖ്റുദ്ദീൻ കോയ തങ്ങൾ ഉദ്ഘാടനം ചെയ്യുന്ന പരിപാടിയിൽ സമസ്ത കേരള ഇസ്ലാം മത വിദ്യാഭ്യാസ ബോർഡിന്റെ ട്രെയിനർ യൂനുസ് ഫൈസി വെട്ടുപാറ ക്ലാസുകൾക്ക് നേതൃത്വം നൽകും. ബഹ്റൈനിൽ സമസ്ത കേരള ഇസ്ലാം മത വിദ്യാഭ്യാസ ബോർഡിന്റെ അംഗീകാരമുള്ള 10 മദ്റസകളിലെ അധ്യാപകരും രക്ഷിതാക്കളും പരിപാടിയിൽ പങ്കെടുക്കും. പരിപാടികൾക്ക് സമസ്ത ബഹ്റൈൻ കേന്ദ്ര, ഏരിയ ജംഇയ്യതുൽ മുഅല്ലിമീൻ നേതാക്കളും നേതൃത്വം നൽകും. കൂടുതൽ വിവരങ്ങൾക്ക്: 38396063, 35107554.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.