റോയൽ ഹ്യുമാനിറ്റേറിയൻ ഫൗണ്ടേഷൻ സംഘടിപ്പിക്കുന്ന 10ാമത് ലുലു ഇന്റർനാഷനൽ
കിഡ്സ് സമ്മർ ക്യാമ്പ് ഉദ്ഘാടന ചടങ്ങ്
മനാമ: റോയൽ ഹ്യുമാനിറ്റേറിയൻ ഫൗണ്ടേഷൻ സംഘടിപ്പിക്കുന്ന 10ാമത് ലുലു ഇന്റർനാഷനൽ കിഡ്സ് സമ്മർ ക്യാമ്പിന് തുടക്കമായി. ആർ.എച്ച്.എഫ് സെക്രട്ടറി ജനറൽ ഡോ. മുസ്തഫ അസ്സയ്യിദിന്റെ രക്ഷാധികാരത്തിൽ 'സന്തോഷവർണങ്ങൾ' എന്ന പേരിൽ നടന്ന ഉദ്ഘാടന പരിപാടിയിൽ ലുലു ഇന്റർനാഷനൽ ഡയറക്ടർ ജൂസർ രൂപവാല, സംഘാടക സമിതി അംഗങ്ങൾ എന്നിവർ സന്നിഹിതരായിരുന്നു.
ആർ.എച്ച്.എഫിൽ രജിസ്റ്റർ ചെയ്തിട്ടുള്ള കുടുംബങ്ങളിൽനിന്നുള്ള കുട്ടികളാണ് ആട്രിയം മാളിൽ നടക്കുന്ന ക്യാമ്പിൽ പങ്കെടുക്കുന്നത്. കഴിഞ്ഞ 10 വർഷമായി നടത്തിവരുന്ന ക്യാമ്പ് ഇപ്രാവശ്യവും വിജയകരമായി സംഘടിപ്പിക്കാൻ സാധിച്ചത് നേട്ടമായി ഭാരവാഹികൾ വിലയിരുത്തി. കുട്ടികളിൽ ഉത്തരവാദിത്തബോധം വളർത്തുക, കഴിവുകൾ പോഷിപ്പിക്കുക തുടങ്ങിയവയാണ് മൂന്നാഴ്ച നീണ്ടുനിൽക്കുന്ന ക്യാമ്പിന്റെ ലക്ഷ്യം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.