മനാമ: റമദാൻ പ്രതിനിധാനംചെയ്യുന്ന മൂല്യങ്ങൾ മനുഷ്യനെ അതിജീവനത്തിന് പ്രാപ്തനാക്കുന്നുവെന്ന് പ്രമുഖ പണ്ഡിതനും വിഷൻ 2026 ജന. സെക്രട്ടറിയുമായ ടി. ആരിഫലി പറഞ്ഞു. ഫ്രൻഡ്സ് സോഷ്യൽ അസോസിയേഷൻ പ്രവാസികൾക്കായി നടത്തിയ റമദാൻ മജ്ലിസ് സൂം ഓൺലൈൻ പ്ലാറ്റ്ഫോം വഴി ഉദ്ഘാടനം ചെയ്യുകയായിരുന്നു അദ്ദേഹം.
റമദാൻ സഹാനുഭൂതിയുടെ മാസമാണ്. മറ്റുള്ളവരുടെ വേദനകളും വിഷമങ്ങളും സ്വന്തമാവുമ്പോഴാണ് ഇത് അർഥവത്താകുന്നതെന്നും അദ്ദേഹം കൂട്ടിച്ചേർത്തു. നിച്ച് ഓഫ് ട്രൂത്ത് ഡയറക്ടർ എം.എം. അക്ബർ, ഹാഫിദ് അബ്ദുശുക്കൂർ ഖാസിമി എന്നിവർ പ്രഭാഷണം നടത്തി. ഫ്രൻഡ്സ് പ്രസിഡന്റ് ജമാൽ നദ്വി ഇരിങ്ങൽ അധ്യക്ഷത വഹിച്ചു. സി.എം. മുഹമ്മദലി സ്വാഗതവും എം.എം. സുബൈർ നന്ദിയും പറഞ്ഞു. പി.പി. ജാസിർ ഖുർആനിൽ നിന്നും അവതരിപ്പിച്ചു. യൂനുസ് സലീം പരിപാടി നിയന്ത്രിച്ചു. മുഹമ്മദ് ഷാജി, സമീർ ഹസൻ, എ.എം ഷാനവാസ്, മൊയ്തു കണ്ണൂർ എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.