മനാമ: പി.എൽ.സി ബഹ്റൈൻ ചാപ്റ്റർ ബഹ്റൈൻ ലേബർ മാർക്കറ്റ് റെഗുലേറ്ററി അതോറിറ്റിയും ഇന്റർനാഷനൽ ഓർഗനൈസേഷൻ ഫോർ മൈഗ്രേഷനുമായി ചേർന്ന് കണക്ടിങ് പീപ്ൾ എന്ന ബോധവത്കരണ പരിപാടിയുടെ ആറാമത്തെ എഡിഷൻ സംഘടിപ്പിക്കുന്നു.
നവംബർ രണ്ടിന് വൈകീട്ട് ഏഴുമുതൽ ഒമ്പതുവരെ ഉമൽ ഹസം കിംസ് ഹെൽത്ത് ഓഡിറ്റോറിയത്തിൽവെച്ചാണ് പരിപാടി. മനുഷ്യക്കടത്തിനെതിരെയുള്ള അവബോധം, ജോലിസ്ഥലങ്ങളിലെ അവകാശങ്ങളും ഉത്തരവാദിത്തങ്ങളും തുടങ്ങി പല മേഖലയിൽനിന്നുള്ള ചോദ്യോത്തര പരിപാടിയും ഉണ്ടായിരിക്കും.
കണക്ടിങ് പീപ്പിളിന്റെ കഴിഞ്ഞ അഞ്ച് എഡിഷനുകളിലും പ്രവാസികളുടെ നിരവധി സംശയങ്ങൾക്കുള്ള മറുപടി നൽകുവാൻ കഴിഞ്ഞതായും ആറാം എഡിഷനിലേക്ക് എല്ലാ പ്രവാസികളെയും സ്വാഗതം ചെയ്യുന്നതായും പ്രവാസി ലീഗൽ ബഹ്റൈൻ പ്രസിഡന്റ് സുധീർ തിരുനിലത്ത് അറിയിച്ചു. കൂടുതൽ വിവരങ്ങൾക്ക് 39461746.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.