പ്രവാസി ഇന്ത്യൻ സമൂഹം ഗാന്​ധി ജയന്തി ആഘോഷിച്ചു

മനാമ: ഇന്ത്യൻ രാഷ്​ട്രപിതാവ്​ മഹാത്​മ ഗാന്​ധിയുടെ 150 ാം ജൻമദിനം ബഹ്​റൈനിൽ വിവിഖ ഇന്ത്യൻ വിദ്യാലയങ്ങളിലും വിവിധ ഇന്ത്യൻ സംഘടനകളുടെ നേതൃത്വത്തിലും ആഘോഷിച്ചു. ഗാന്​ധിജി അനുസ്​മരണ പരിപാടികളും പ്രഭാഷണങ്ങളും നടന്നു. ഇന്ത്യൻ സ്​കൂളിൽ അംബാസഡർ ഉദ്​ഘാടനം ചെയ്​തു
മനാമ: ഇന്ത്യൻ എംബസിയുടെ ര:ക്ഷാധികാരത്തിൽ ഇന്ത്യൻ സ്​കൂൾ ബഹ്​റൈൻ മഹാത്​മ ഗാന്​ധിയുടെ ജൻമദിനം ആഘോഷിച്ചു. ആഘോഷം ഇന്ത്യൻ സ്ഥാനപതി അലോക്​കുമാർ സിൻഹ ഉദ്​ഘാടനം ചെയ്​തു. സ്​കൂൾ ചെയൻമാൻ പ്രിൻസ്​ നടരാജൻ, വൈസ്​ ചെയർമാൻ ജയഫർ മൈദനി, സെക്രട്ടറി സജി ആൻറണി, സ്​കൂൾ എക്​സിക്യൂട്ടീവ്​ അംഗങ്ങളായ ബിനു മണ്ണിൽ വർഗീസ്​, എൻ.എസ്​ പ്രേമലത, മുഹമ്മദ്​ ഖുർഷിദ്​ അലാം,പ്രിൻസിപ്പൽ വി.ആർ പളനിസ്വാമി, റിഫ കാമ്പസ്​ പ്രിൻസിപ്പൽ പമേല സേവ്യർ, സ്​റ്റാഫ്​ പ്രതിനിധി ജോൺസൻ ദേവസ്യ, സി.ബി.എസ്​.സി സ്​കൂൾ പ്രിൻസിപ്പൽ ഡോ.ഗോപാലൻ, അരുൺകുമാർ ശർമ, ഗോപിനാഥ്​മേനോൻ എന്നിവർ സംബന്​ധിച്ചു.

മഹാത്​മഗാന്​ധിയുടെ സന്ദേശം വിദ്യാർഥികൾ കൃത്യമായ​ും മനസിലാക്കണമെന്ന്​ ഇന്ത്യൻ അംബാസഡർ പറഞ്ഞു. അലോക്​കുമാർ സിൻഹ ഗാന്​ധിജിയുടെ മഹത്തായ സംഭാവനകൾ മറക്കാൻ കഴിയുന്നതല്ല. ഗാന്​ധിജി സമാധാനത്തി​​​െൻറയും സത്യാന്വേഷണത്തി​​​െൻറയും ഏറ്റവും വലിയ ഉദാഹരണമാണെന്ന്​ ഇന്ത്യൻ സ്​കൂൾ ചെയർമാൻ പ്രിൻസ്​ നടരാജൻ പറഞ്ഞു. തുടർന്ന്​ കുട്ടികളുടെ കലാപരിപാടികൾ നടന്നു. ഏഷ്യൻ സ്​കൂളിൽ വിവിധ പരിപാടികൾ
മനാമ: ഏഷ്യൻ സ്​കൂളിൽ ഗാന്​ധി ജയന്തി വിപുലമായി ആഘോഷിച്ചു. മഹാത്​മ ഗാന്​ധിയുടെ ദർശനങ്ങളെയും ആദർശങ്ങളെയും കുറിച്ച്​ പ്രഭാഷണങ്ങളും സ്​കിറ്റുകളും അവതരിപ്പിക്കപ്പെട്ടു. സ്​കിറ്റുകളിൽ ഗാന്​ധിജയുടെ ജീവിതമാണ്​ പ്രധാനമായും ചിത്രീകരിക്കപ്പെട്ടത്​. നൃത്തവും മറ്റുകലാപരിപാടികളും നടന്നു. അധ്യാപകരും ജീവനക്കാരും പരിപാടികളിൽ സംബന്​ധിച്ചു.