പ്രവാസി വിഷയങ്ങളിൽ പ്രതീക്ഷകൾ ഏറെ..

മനാമ: ഇന്ത്യൻ പ്രധാനമന്ത്രിയുടെ സന്ദർശനത്തെ ഇന്ത്യൻ സമൂഹം കാണുന്നത്​ ആഹ്ലാദത്തോടും ആവേശത്തോടും കൂടി. ദീർഘക ാലത്തിനുശേഷം ബഹ്​റൈൻ സന്ദർശിക്കുന്ന പ്രധാനമന്ത്രിയാണ്​ മോദി. അതിനാൽ ഇന്ത്യ^ബഹ്​റൈൻ ബന്​ധത്തിന്​ കൂടുതൽ ദൃഡതയും മാനവും നൽകാൻ നരേന്ദ്രമോദിയുടെ സന്ദർശനം കാരണമാകുമെന്നാണ്​ ഇന്ത്യൻ പ്രവാസലോകത്തെ നേതാക്കൾ കരുതുന്നതും. പ്രവാസികളുടെ വിഷയത്തിൽ അനുഭാവമായപൂർണ്ണമായ സമീപനവും പ്രഖ്യാപനങ്ങളും പ്രധാനമന്ത്രിയിൽനിന്ന്​ ഉണ്ടാകുമെന്ന്​ പ്രതീക്ഷിക്കുന്നതായി വിവിധ പ്രവാസി നേതാക്കൾ ‘ഗൾഫ്​ മാധ്യമ’ത്തോട്​ പറഞ്ഞു. സാമൂഹിക മാധ്യമങ്ങളിലും പ്രധാനമന്ത്രിയുടെ സന്ദർശനത്തിന്​ സ്വാഗതം ആശംസിച്ചുള്ള പോസ്​റ്റുകൾ നിറഞ്ഞിട്ടുണ്ട്​.