മാൻപവർ ഏജൻസി മുറിയിൽ അടച്ചിട്ട  മലയാളി യുവതിയെ പോലീസ്​ രക്ഷിച്ചു

മനാമ: ബഹ്​റൈനിൽ നാല്​ ദിവസം മാൻപവർ ഏജൻസിയുടെ തടവിൽ കഴിഞ്ഞ മലയാളി യുവതിയെ  പോലീസും ചേർന്ന്​ രക്ഷിച്ചു. ബന്​ധുവും സാമൂഹിക പ്രവർത്തകരുടെയും സമയോചിതമായ ഇടപെടലുകളാണ്​ സഹായകമായത്​. കോട്ടയം ജില്ലയിലെ 22 കാരിക്കാണ്​ ക്രൂരത നേരിടേണ്ടി വന്നത്​. മൂന്ന്​ മാസം മുമ്പ്​ ത​​​​െൻറ നാട്ടുകാരിയുടെ സഹായത്തോടെ മംഗലാപുരം സ്വദേശിയാണ്​ ഇവർക്ക്​ ഹോം നഴ്​സ്​ വിസ നൽകിയത്​.

ത​​​​െൻറ മാതൃസഹോദരിയുടെ മകൻ ബഹ്​റൈനിലുള്ളതിനാൽ യുവതി അയ്യാളെ ഇൗ വിവരം അറിയിക്കുകയും ചെയ്​തു. ബഹ്​റൈനിൽ എത്തിയ യുവതിയെ കാത്ത്​ അവരുടെ സഹോദരൻ കാത്ത്​ നിന്നെങ്കിലും വിസാ ഏജൻറ്​ കാണിക്കാ​െത കൂട്ടിക്കൊണ്ട​ുപോയി. തുടർന്ന്​ ഏജൻറ് മാൻപവർ ഏജൻസിക്ക്​ പണം വാങ്ങി യുവതിയെ കൈമാറി. ബലം പ്രയോഗിച്ച്​ പേപ്പറുകളിൽ ഒപ്പിട്ടശേഷമായിരുന്നു ഇത്​. തുടർന്ന്​ വീട്ടുജോലിക്ക്​ അയച്ച യുവതിക്ക്​ അവിടെ കടുത്ത ഉപദ്രവം നേരിടേണ്ടി വന്നപ്പോൾ തനിക്ക്​ നാട്ടിൽപോകണമെന്ന്​ മാൻപവർ ഏജൻസിയോട്​ തുടർച്ചയായി ആവശ്യപ്പെട്ടു.

ഇതിനെതുടർന്ന്​ ഏജൻസിക്കാർ യുവതിയെ കൂട്ടിക്കൊണ്ട്​ വരികയും ഒരു മുറിയിലടച്ചശേഷം, 1400 ദിനാർ നൽകിയാലെ നാട്ടിലേക്ക്​ വിടൂവെന്ന്​ പറഞ്ഞു.  
യുവതിയുടെ സ്വിം കാർഡും പാസ്​പോർട്ടും ബലമായി ഇവർ പിടിച്ചുവാങ്ങി. വിവരം അറിഞ്ഞ്​ മാൻപവർ ഏജൻസിയിലെത്തിയ സഹോദരനോടും സംഘം പരുഷമായി പെരുമാറി.  ഇതിനിടയിൽ  സഹോദരിയെ കാണണമെന്ന്​ കാലുപിടിച്ച്​ അപേക്ഷിച്ചപ്പോൾ  അനുവദിച്ചു.  നാല്​ ദിവസമായി ഭക്ഷണം നൽകുന്നില്ല എന്ന കാര്യമാണ്​ യുവതിക്ക്​ സഹോദരനോട്​ അറിയിക്കാനുണ്ടായിരുന്നത്​. ഇതിനെതുടർന്ന്​ തന്ത്രപൂർവ്വം, ഒരു സ്വിം കാർഡ്​ സഹോദരൻ യുവതിക്ക്​ കൈമാറി. ഇതാണ്​ യുവതിയെ മോചിപ്പിക്കാനുള്ള വഴി തെളിയിച്ചത്​. ‘ബഹ്​റൈൻ പ്രതിഭ’യുടെ നേതാക്കളായ സുബൈർ കണ്ണൂർ, ജിനേഷ്​ എന്നിവരുമായി ബന്​ധപ്പെട്ട്​ സഹോദരൻ കാര്യങ്ങൾ അറിയിച്ചു. തുടർന്ന്​ യുവതി​യെകൊണ്ട്​ പോലീസിനെ വിളിപ്പിക്കുകയും ചെയ്​തു. പോലീസി​​​​െൻറ ഉചിതമായ ​ഇടപെടലുകളാണ്​ പിന്നീട്​ യുവതിയെ രക്ഷിക്കാൻ സഹായിച്ചത്​.  യുവതിയെ പോലീസ്​ സ്​റ്റേഷനിലേക്ക്​ കൂട്ടിക്കൊണ്ട്​ വരികയും കാര്യങ്ങളെല്ലാം അറിഞ്ഞശേഷം സ്​പോൺസറെ വിളിച്ച്​ വരുത്തുകയും ചെയ്​തു. 

എന്നാൽ പണം കിട്ടിയാലെ യുവതിയുടെ പാസ്​പോർട്ട്​ നൽകൂ എന്ന്​ നിലപാട്​ എടുത്തപ്പോൾ, സ്​പോൺസറോട്​ സാമൂഹിക പ്രവർത്തകർ കേസുമായി മുന്നോട്ട്​ പോകുമെന്ന്​ അറിയിച്ചു. യുവതിയുടെ അവസ്ഥ കണ്ട്​ ദയതോന്നിയ പോലീസ്​ സ്​പോൺസറിൽ നിന്ന്​ പാസ്​പോർട്ട്​ തിരികെ വാങ്ങി യുവതിക്ക്​ നൽകുകയും ചെയ്​തു. തുടർന്ന്​  ബന്​ധുക്കൾ ​ ടിക്കറ്റ്​ എടുത്ത്​ അയച്ചുകൊടുത്തപ്രകാരം, യുവതി  നാട്ടിലേക്ക്​ പോയി.