മനാമ: െപാതുസ്ഥലങ്ങളിൽ മാസ്ക് ധരിക്കണമെന്ന നിയമം പാലിക്കാത്ത 8374 പേർക്കെതിരെ നടപടി സ്വീകരിച്ചതായി വിവിധ ഗവർണറേറ്റുകളിലെ പൊലീസ് അധികാരികൾ അറിയിച്ചു. കച്ചവട സ്ഥാപനങ്ങളിലും പൊതുസ്ഥലങ്ങളിലും മാസ്ക് ധരിക്കണമെന്ന നിയമം നിർബന്ധമായും പാലിക്കേണ്ടതുണ്ട്. നിയമം നടപ്പാക്കാത്തവർക്കെതിരെ നടപടി സ്വീകരിച്ചുവരുന്നതായും ഇക്കാര്യത്തിൽ ഒരു ഇളവും നൽകുകയില്ലെന്നും ബന്ധപ്പെട്ടവർ വ്യക്തമാക്കി. ദക്ഷിണ ഗവർണറേറ്റ് പരിധിയിൽ 2563, കാപിറ്റൽ ഗവർണറേറ്റ് 1800, മുഹറഖ് ഗവർണറേറ്റ് 1817, ദക്ഷിണ ഗവർണറേറ്റ് 1284 എന്നിങ്ങനെയാണ് നിയമ ലംഘനം പിടികൂടിയത്. പബ്ലിക് സെക്യൂരിറ്റി വിഭാഗം 837 പേർക്കെതിരെയും അതിർത്തി സുരക്ഷാ വിഭാഗം 73 പേർക്കെതിരെയും നടപടി സ്വീകരിച്ചു. കോവിഡ് -19 പ്രതിരോധവുമായി ബന്ധപ്പെട്ട് പൊതുസ്ഥലങ്ങളിൽ മാസ്ക് ധരിക്കേണ്ടതിെൻറ ആവശ്യകതയെക്കുറിച്ച് ജനങ്ങൾക്കിടയിൽ ബോധവത്കരണം നടത്തുന്നുണ്ടെന്നും പൊലീസ് വിഭാഗം അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.