മനാമ: ലുലു ഹൈപ്പർ മാർക്കറ്റിൽ 'ഡിസ്കവർ അമേരിക്ക'വാരാഘോഷത്തിന് തുടക്കമായി. ജുഫൈർ മാളിലെ ലുലു ഹൈപ്പർമാർക്കറ്റിൽ നടന്ന ചടങ്ങിൽ ബഹ്റൈനിലെ യു.എസ് എംബസി ഷർഷെ ദഫേ മാർഗരറ്റ് നാർദി ഉദ്ഘാടനം ചെയ്തു. ലുലു ഗ്രൂപ്പ് ഡയറക്ടർ ജുസെർ രൂപവാലയും സന്നിഹിതനായിരുന്നു.
അമേരിക്കൻ ഉൽപന്നങ്ങളുടെ വിപുലമായ ശ്രേണിയാണ് ലുലു ഹൈപ്പർ മാർക്കറ്റിൽ ഒരുക്കിയിരിക്കുന്നത്. അമേരിക്കൻ ഭക്ഷണങ്ങൾ, ഗ്രോസറി, പഴങ്ങൾ, പച്ചക്കറികൾ, റോസ്റ്ററി, ചിൽഡ് ഉൽപന്നങ്ങൾ എന്നിവക്ക് 30 ശതമാനം ഡിസ്കൗണ്ടും ലഭിക്കും. ഇരു രാജ്യങ്ങളും തമ്മിലുള്ള ദൃഢമായ വ്യാപാര ബന്ധത്തിെൻറ തെളിവാണ് അമേരിക്കൻ ഉൽപന്നങ്ങളുടെ മേളയെന്ന് മാർഗരറ്റ് നാർദി പറഞ്ഞു. വൈവിധ്യമാർന്ന ഉൽപന്നങ്ങളാണ് മേളയിൽ ഉൾപ്പെടുത്തിയിരിക്കുന്നതെന്നും അവർ കൂട്ടിച്ചേർത്തു.
അമേരിക്ക ലോകത്തിന് പരിചയപ്പെടുത്തിയ പുതിയ രുചികൾക്ക് ലഭിച്ച സ്വീകാര്യത അടിവരയിടുന്നതാണ് ഡിസ്കവർ അമേരിക്ക മേളയെന്ന് ജുസെർ രൂപവാല പറഞ്ഞു. അമേരിക്കൻ എംബസിയുടെ പിന്തുണക്ക് നന്ദി പറയുന്നതായും അദ്ദേഹം പറഞ്ഞു. ലുലു ഹൈപ്പർമാർക്കറ്റ് ഒൗട്ട്ലെറ്റുകളിൽ ഒക്ടോബർ 27 വരെ മേള തുടരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.